មិនដឹងជាមានការអាក់អន់ចិត្តរឿងអ្វីនោះទេថ្មីៗនេះតារាសម្តែង ប៉ែន ភ័ក្រ្តសុធារិទ្ធ បានបង្ហោះសំណេរយ៉ាងចាក់ដោតនៅក្នុងបណ្តាញសង្គមដោយសុំឱ្យមហាជនប្រើពាក្យសម្តីសមរម្យចំពោះអ្នកសិល្បៈផងព្រោះដ្បិតលោកជាមនុស្សមហាជនក៏លោកចេះឈឺចាប់ចំពោះពាក្យម្តីមើលងាយទាំងនោះដែរ។
ដោយសារតែរូបរាងស្រស់សង្ហា ជាពិសេសទម្រង់មុខក៏ដូចជាសម្បុរស្រអែមបែបបុរសខ្មែរនោះបានធ្វើឱ្យតារាប្រុស ប៉ែន ភ័ក្រ្តសុធារិទ្ធ មានទីផ្សារទូលាយទាំងនៅក្នុងការសម្តែងរឿង និងការថតស្ប៉តពាណិជ្ជកម្ម ការដើរម៉ូដ ជាពិសេសការថតឈុតបុរាណនៅតាមតំបន់ទេស ចរណ៍នានា ។ អ្វីដែលកត់សម្គាល់ការគ្រងក្នុងឈុតបុរាណរបស់លោក ប៉ែន ភ័ក្រ្តសុធារិទ្ធ ជារឿយៗតែងទទួលបាននូវការខមិនបែបលេបខាយជាច្រើនចំពោះការបង្ហាញភាពសិចស៊ីដែលធ្វើឱ្យលោកបង្ហាញការមិនពេញចិត្តនឹងបានសុំចិត្តឱ្យមហាជនមានការផ្តល់តម្លៃដល់រូបលោកជាអ្នកសិល្បៈព្រោះលោកក៏ចេះឈឺចាប់ចំពោះពាក្យពេចន៏មិនសមរម្យទាំងនោះដែរ ។
តារាសម្តែងដែលជាគូស្នេហ៍របស់សេដ្ឋនី អ៊ាន សៀវម៉ី រូបនេះបានបង្ហោះសារចាក់ដោតនៅក្នុងបណ្តាញសង្គមថា «វីឌីអូដែរពួកយើងខំលះបង់កំលាំង លះបង់ពេលវេលា លះបង់ថវិការផ្ទាល់ខ្លួនពេលខ្លះបងប្អូនមួយចំនួនមើលមិនសូវឃើញ ពេលខ្លះឃើញហើយក៏អូសរំលង ពួកគាត់បែរជាមើលឃើញនៅការខុសឆ្គងបន្តិចបន្តួច ពេលធ្វើល្អមិនសូវមានពាក្យសរសើរតែបើមិនពេញចិត្តពួកគាត់គឺមានតែពាក្យជេរពាក្យមិនល្អពេលខ្លះគាត់មិនទៅដឹងថាគេស្លៀកចឹងក្នុងពេលវេលាបែបណា គេដើរម៉ូតនិងក្នុងកម្មវិធីអី ហាទ្បើងថាអញ្ចេះថាអញ្ចុះពេលខ្លះមានទាំងពាក្យថាតារាសុទ្ធតែលក់ខ្លួនលិចលើលិចក្រោម ចុះមានបានមើលអីដែរគេខំធ្វើកន្លងមកអត់ជួយអីខ្លះដល់សង្គម ជួយអីខ្លះដល់ប្រទេសជាតិ ដូច្នេះបានគេនិយាយថាធ្វើល្អរាប់ភ្លេចតែដល់ពេលខុសបន្តិចបន្តួចគឺជាន់យកៗ ចឹងសូមបងប្អូនមួយចំនួនតែងតែគិតបែបនិងសូមពិចារណាផង ពាក្យសំដីចេញពីមាត់តែមួយស៊ូនិយាយល្អអោយគេគោរពស្រលាញ់កុំចេញពីរមាត់តែមួយមែនតែធ្វើអោយគេឈឺចាប់
ចឹងបើចូលចិត្តខមមិនស៊ែរពាក្យសំដីមិនល្អដាក់អ្នកដទៃចឹងពេលឃើញវីឌីអូបែបនេះចូលខមមិនពាក្យល្អ ជួយស៊ែរផងទៅ ព្រោះវាជារបស់ខ្មែរទេសំរាប់រឿងទាំងអស់នេះវាតែងតែកើតមានទ្បើងសំរាប់ពួកខ្ញុំជាសិល្បះយូរណាស់មកហើយ ខ្ញុំក៏ដឹងថាពួកខ្ញុំជាមនុស្សមហាជន តែពួកយើងក៏ចេះឈឺចាប់ដូចតែគ្នាទេពេលគេប្រើសំដីមិនសមរម្យដាក់ ពេលខ្លះឃើញក៏អូសរំលង តែពេលខ្លះគឺជ្រុលពេក ហាទ្បើងជេរហាទ្បើង មើល ងាយ មនុស្សណាមានសាច់មានឈាមចេះឈឺដូចគេអែងដែរណា តែក៏អរគុណបងប្អូនមួយចំនួនធំដែរគាត់យល់តែងសរសើរនិងលើកទឹកចិត្តនិងអោយតំលៃពួកយើងជាសិល្បៈ»៕
