ដោយសារតែសមត្ថភាពរួមផ្សំជាមួយនឹងរូបសម្រស់បានធ្វើឱ្យព្រះនាង នរោត្តម ជេនណា ទទួលបានជោគជ័យខ្លាំងនៅក្នុងអាជីពសិល្បៈពោលត្រឹមព្រះជន្ម ១២ព្រះវស្សា តែព្រះនាង បានទទួលពានរង្វាន់ Best Newcomer Actress ពីមហោស្រពភាពយន្តកម្ពុជា-អាស៊ីលើកទី២ដែលបានរៀបចំកាលពីប៉ុន្មានថ្ងៃមុននេះ ។
មានព្រះជន្មនៅក្មេងក៏ពិតមែន តែព្រះនាងព្រះនាង នរោត្តម ជេនណា មានទេពកោសល្យសិល្បៈពេញខ្លួនមិនថាការច្រៀង សម្តែង និងរាំរបាំអប្សរាឡើយ ។ មកដល់ពេលនេះព្រះនាងក៏បានបង្ហាញវត្តមាននៅក្នុងកម្មវិធីធំ តូច និងថតស្ប៉តផលិតផលជាច្រើន ។មិនតែប៉ុណ្ណោះព្រះនាងក៏បានចូលរួមនៅក្នុងការសម្តែងរឿងភាគទូរទស្សន៍ជាបន្តបន្ទាប់ដែលមានទាំងភាពយន្តខ្នាតធំគឺរឿង«បណ្ដាសានាងរាត្រី»របស់ផលិតកម្មអិលឌី។
អ្វីដែលគួរឱ្យសរសើរក្នុងនាមជាសិល្បការិនីជំនាន់ក្រោយព្រះនាង នរោត្តម ជេនណា ក៏បានទទួលពានរង្វាន់ Best Newcomer Actress ពីមហោស្រពភាពយន្តកម្ពុជា-អាស៊ីលើកទី២ ដែលធ្វើឡើងនៅកម្ពុជា។ជាមួយនឹងការទទួលពានរង្វាន់នេះព្រះនាងតូចក៏មានអារម្មណ៍រំភើបជាខ្លាំង ។
គួរឱ្យដឹងដែរថាព្រះនាង នរោត្តម ជេនណា ជាសែរាជវង្សខ្មែរដំបូងគេដែលកំពុងមានកេរ្តិ៍ឈ្មោះនិងប្រជាប្រិយភាពដោយ ទទួលបានការគាំទ្រខ្លាំងពីសំណាក់មហាជន មិនថារូបសម្ប ត្តិ និងទេពកោល្យសិល្បៈរបស់ព្រះនាងឡើយ ។ អ្វីដែលគួរឱ្យសរសើរព្រះនាង អាចនិយាយភាសាបានជាច្រើនភាសាយ៉ាងស្ទាត់ជំនាញដែលមានដូចជាភាសាខ្មែរ ជាភាសាកំណើត ភាសាបារាំង ភាសាអង់គ្លេស ចិន និង ភាសាថៃ ជាដើម៕
