ទើបស្គាល់គ្នារយៈពេលខ្លីក៏ពិតមែន តែចំណងស្នេហ៍របស់តារាសម្តែង ប៊ឺរី និង ម៉ាដាម ដា កាន់តែមានភាពផ្អែមល្ហែម និងច្បាស់លាស់ជាខ្លាំង ដោយពេលនេះពួកគេទាំងពីរបាននាំគ្នាទៅថតរូប Pre Wedding យ៉ាងស្រស់ស្អាតក្នុងឈុតបុរាណថែមទៀត ។ អ្វីដែលគួរឱ្យសរសើរថ្មីៗនេះគេបានឃើញលោក ប៊ឺរី បានឈរអ៊ុតអាវឱ្យ ម៉ាដាម ដា ជាគូស្នេហ៍យ៉ាងផ្ចិតផ្ចង់ដែលធ្វើឱ្យក្រុមការងារជាច្រើនលាន់មាត់សរសើរគ្រប់គ្នា។
ពិតជាស្មានមិនដល់ពីថៅកែ និង BA បានក្លាយទៅជាគូស្នេហ៍យ៉ាងស្អិតរមួតដែលត្រៀមនិងចូលរោងការនៅក្នុងខែកុម្ភៈឆ្នាំក្រោយនេះ។ តារាសម្តែង ប៊ឺរី ក៏ត្រូវបានអ្នកគាំទ្រជាច្រើនសរសើរពីសំណាងក្រោយពីលោកមានឱកាសបានភ្ជាប់ស្នេហ៍ជាមួយអ្នកជំនួញអនឡាញដែលមានឈ្មោះល្បីនៅក្នុងប្រទេសដែលមានទាំងកញ្ចប់តែម្តង ។ទោះមិនទាន់រៀបការក្តី តែថ្មីៗនេះគេបានឃើញតារាសម្តែង ប៊ឺរី ឈរអ៊ុតអាវឱ្យ ម៉ាដាម ដា ដែលធ្វើឱ្យកូនចៅរួមការងារសរសើរលោកពេញៗមាត់ថាជាស្វាមីដ៏ល្អរបស់ ម៉ាដាម ដា ។
បើតាមការលើកឡើងរបស់ ម៉ាដាម ដា បានឱ្យដឹងថាពួកគេទាំងពីរមានអ្វីៗដែលដូចគ្នាច្រើនមិនថាអត្តចរិក ការនិយាយស្តី ដែលធ្វើឱ្យពួកគេងាយស្រួលមិនចាំបាច់មាននរណាត្រូវផ្លាស់ប្តូរខ្លួនដើម្បីដៃគូម្នាក់ទៀតឡើយ។ ជាពិសេសពួកគេជាអ្នកកាន់សាសនាគ្រឹស្តដូចគ្នាទៀតផង ។
បើតាមការលើកឡើងនៅក្នុងការឡាយវីដេអូ ម៉ាដាម ដា បានឱ្យដឹងថានៅក្នុងថ្ងៃរៀបការរបស់ពួកគេទាំងពីរនឹងមានបើកឱ្យអ្នកគាំទ្រមានការចូលរួមជូនពរនិងដឹងឮចំនួន៥០០០ពាន់នាក់ដោយមិនមានការយកចំណងដៃ តែសំខាន់អ្នកនាងតម្រូវតែពណ៌សំលៀកបំពាក់សម្រាប់ស្លៀកចូលរួមប៉ុ ណ្ណោះ ។ ក្នុងនោះ ម៉ាដាម ដា បានបន្ថែមថាអ្នកនាងនឹងប្រាប់ដល់ហ្វេន ហ្វេន មុនមួយខែដើម្បីត្រៀមរៀបចំសម្លៀកបំពាក់ ។បើទោះបីជាមានការលើកឡើងច្បាស់ៗបែបនេះក្តី តែនៅតែមានមហាជនមួយចំនួនតូចយល់ថាទាំងនេះជាការសម្តែងសម្រាប់ទីផ្សារមិនមែនជារឿងពិតប្រាកដឡើយ ។ ប៉ុន្តែយ៉ាងណាចុងក្រោយនេះគេសង្កេតឃើញតារាប្រុសរូបសង្ហាមួយចំនួនហាក់មានវាសនាខ្ពស់រស់ក្នុងជង្រុកទ្រព្យដោយបានដៃគូជាអ្នកជំនួញអនឡាញល្បីៗ៕
