លែងមានមន្ទិលហើយទោះមានគូស្នេហ៍ជាស្តី្រអភិជនមានទាំងទ្រព្យនិងឋានៈក្តី តែតារាសម្តែង ប៉ែន ភ័ក្រ្តសុធារិទ្ធ មិនបានទទួលការហាមឃាត់ពីសំណាក់អ្នកជំនួញអនឡាញ អ៊ាន សៀវម៉ឺ ចំពោះការងារសិល្បៈរបស់លោកនោះឡើយ ។
បើគិតមកដល់ពេលនេះលោក ប៉ែន ភ័ក្រ្តសុធារិទ្ធ ចូលប្រឡូកក្នុងសិល្បៈប្រមាណជា១៤ឆ្នាំហើយលោកក៏មានស្នាដៃជាច្រើនដែលមានដូជជាការដើរម៉ូដ សម្តែងរឿងនិងថតផ្សព្វផ្យាយដាដើម ។ ក្នុងនោះក៏មានអ្នកគាំទ្រជាច្រើនលើកឡើងថាភាគរយតិចណាស់ដែលថាលោក ប៉ែន ភ័ក្រ្តសុធារិទ្ធ នៅបន្តអាជីពសិល្បៈសន្សំលុយកាក់ល្អិតក្រោមកំដៅថ្ងៃដូចមុនព្រោះនរណាក៏ដឹងថាគូស្នេហ៍របស់លោកមិនត្រឹមជាអ្នកជំនួញអនឡាញល្បីឈ្មោះប៉ុណ្ណោះទេ ថែមទាំងជាអ្នកមានទ្រព្យលំដាប់សេដ្ឋីនីថែមទៀត ។
ប៉ុន្តែពេលនេះលែងជាមន្ទិលហើយព្រោះថ្មីៗនេះឧកញ៉ា អ៊ាន សៀវម៉ី បានបញ្ជាក់ថាលោកស្រីមិនហាមឃាត់លោក ប៉ែន ភ័ក្រ្តសុធារិទ្ធ នៅក្នុងការប្រឡូកអាជីពសិល្បៈនោះទេព្រោះអាជីពនេះជាចំណង់ចំណូលចិត្តរបស់លោក ។ គាត់ (ប៉ែន ភ័ក្រ្តសុធារិទ្ធ) នៅទទួលការងារជាធម្មតា ហើយតម្លៃខ្លួនក៏ធម្មតាដែរ » នេះជាការលើកឡើងរបស់អ្នកជំនួញអនឡាញរូបនេះដល់ ហ្វេន ហ្វេនរបស់ខ្លួន។
មិនខុសពី ម៉ាដាម ដា ប៉ុន្មានឡើយ ទោះមិនទាន់មានគម្រោងរៀបការនៅឡើយ តែអ្នកលក់អនឡាញ អ៊ាន សៀវម៉ី បានបញ្ជាក់ថាលោកស្រីមានបំណងយកកូនភ្លោះព្រោះស្រឡាញ់កូនច្រើន ។ ពេលនេះលោកស្រី និងកូនទាំងបីកំពុងស្នាក់នៅប្រទេសអូស្រ្តាលី ដែលតាមបំណងលោកស្រីក៏ចង់ឱ្យលោក ប៉ែន ភ័ក្រ្តសុធារិទ្ធ ទៅលេងប្រទេសអូស្រ្តាលីដែរ តែដោយសារពេលនេះលោកកំពុងមមាញឹកនៅក្នុងការងារសិល្បៈ៕
