អ្នកលេងហ្វេសប៊ុកបានបញ្ចេញមតិបែបលេងសើចជាច្រើនក្រោយមហាទើស ម៉ៃ សុគន្ធ បាននិយាយទាំងហួសចិត្តថាដើរសិល្បៈជាង២០ឆ្នាំហើយ តែនៅពេលទៅធ្វើប្រវត្តិរូបថ្មីនៅសមា គមសិល្បករខ្មែរគេទាមទាររកអ្នកធានា។
ថ្មីៗនេះគេបានឃើញលោក ម៉ៃ សុគន្ធ បានបង្ហោះសារជាសាធារណៈនៅតាមបណ្តាញសង្គមថា «ប្រឡូកសិល្បៈជិត25ឆ្នាំ (ទៅធ្វើកាតថ្មី កាតចាស់ទុកជានិរាករណ៍)សមាគមសិល្បករខ្មែរអោយធ្វើប្រវត្តិរូបថ្មីរកអ្នកធានាមើលតែយកទៅខ្ចីលុយអង្គការជឿហើយ ដើរសិល្បៈឡើងកញ្ចាស់ក្បាលហើយអោយរកអ្នកធានា»។
សារខ្លីរបស់ ម៉ៃ សុគន្ធ បានធ្វើឱ្យអ្នកលេងបណ្តាញសង្គមជាច្រើនបានចូលរួមខមិនព្រោងព្រាតដោយខ្លះលើកឡើងថាមិនដែលឃើញប្រឡូកសិល្បៈផងថា ២៥ឆ្នាំហើយ ខ្លះទៀតថាលោកជាអ្នកសិល្បៈផ្លូវក្នុង ។ ក្នុងនោះក៏មានអ្នកខមិនខ្លះបានសួរថាហេតុអ្វីលោកមិនប្រឡូកសិល្បៈទៀតចឹង ។ អ្វីដែលកត់សម្គាល់ទោះខានប្រឡូកក្នុងសិល្បៈច្រើនឆ្នាំ តែ លោក ម៉ៃ សុគន្ធ តែងលេចមុខនៅក្នុងកម្មវិធីមួយចំនួនដែលរៀបចំដោយសមាគមសិល្បៈ ។
គួរឱ្យដឹងថាលោក ម៉ៃ សុគន្ធ ធ្លាប់ជាអតីតតារាចម្រៀងនៅក្នុងក្រុមហាយរ៉ុកជាមួយ ញឹម ចាន់ថន ស៊ឺម ថៃណា ជាដើម ។ កន្លងមកលោកក៏ធ្លាប់មានបទចម្រៀងល្បីៗ តែភាគច្រើនត្រូវបានអ្នកគាំទ្រថាជាបទកូពី ពីប្រទេសជិតខាង។ ក្រៅពីអ្នកសិល្បៈលោក ម៉ៃ សុគន្ធ ក៏តែងចេញមុខទើសចំពោះអ្នកសិល្បៈមួយចំនួនដែលកន្លងមកមានដូចជាលោក ជី ដេវីត មាស សុខសោភា និងឧកញ៉ា ខេមរៈ សិរីមន្ត ជាដើម ៕
