ជឿជាក់ថាអ្នកលេងបណ្តាញសង្គមពិតជាបានជ្រាបហើយថាក្នុងព្រឹត្តិការណ៍ GUMBALL 3000 ដែលបានធ្វើឡើងនៅប្រទេសកម្ពុជាក្រោមការជ្រោមជ្រែងពីក្រសួងទេសចរណ៍សហការជាមួយក្រុមហ៊ុនជីបម៉ុង រួមនឹងស្ថាប័នពាក់ព័ន្ធមួយចំនួនទៀត ។ ក្នុងព្រឹត្តិការណ៍ដ័អស្ចារ្យនេះគេសង្កេតឃើញមានតារាប្រុសស្រីចំនួន៥ រូបបានចូលរួមយ៉ាងរីករាយជាមួយនឹងការនាំយកនូវរថយន្តទំនើបៗរបស់ពួកគេចូលរួមផងដែរ។
គួរបញ្ជាក់ថាព្រឹត្តិការណ៍ Gumball3000 គឺជាព្រឹត្តិការណ៍អស្ចារ្យមួយដែលបានកើតឡើងនៅក្នុងប្រទេសកម្ពុជាជាលើកដំបូងដោយមានការចួលរួមពីបណ្តារប្រទេសជាច្រើន។ រថយន្តទំនើបៗទាំងនេះនឹងធ្វើដំណើរចេញពីរាជធានីភ្នំពេញឆ្ពោះទៅកាន់ ខេត្តសៀមរាបដើម្បីចូលរួមចូលរួមបំបែកឯកទគ្គកម្មពិភពលោកក្នុង ការតាំងបង្ហាញរថយន្តទំនើបច្រើនជាងគេបំផុតលើពិភពលោកដើម្បីធ្វើការបំបែកឯកទគ្គកម្មនៅក្នុងថ្ងៃទី ១៧ នេះនៅមុខបរិវេនប្រាសាទអង្គរវត្ត។ ក្នុងនោះគេសង្កេតឃើញតារាចម្រៀង និងសម្តែងមួយចំនួនបានបង្ហាញវត្តមានជាមួយរថយន្តទំនើបៗរបស់ខ្លួននៅក្នុងព្រឹត្តិការណ៍ដែលមិនធ្លាប់នឹងកើតមាននេះ។
សិល្បករ សិល្បការិនីទាំងនោះមានដូចជាតារាចម្រៀងដែលមានងារជាឧកញ៉ា ខេមរៈ សិរីមន្ត និងភរិយាក៏បាននាំយករថយន្តស៊េរីទំនើបពីរគ្រឿងប្រភេទ Porsche និង Ford Ranger Raptor ចូលរួមនៅក្នុងព្រឹត្តិការណ៍ធំមួយ ។
សម្រាប់តារាចម្រៀង ខាន់ ជែមស៍ ក៏មិនចាញ់មិត្តរួមទ្រនំដែរលោក និងក្រុមគ្រួសារបានបង្ហាញវត្តមាននៅក្នុងព្រឹត្តិការណ៍ Gumball3000 នេះដែរ ។
តារាសម្តែងរូបស្រស់សិចស៊ីដែលតែងលេចមុខនៅក្នុងរឿងខ្លីៗប្រម៉ូតផលិតផល នាយព្រែក ជេស៊ីកា ក៏បានចូលរួមនូវក្នុងព្រឹត្តិការណ៍ Gumball3000 ជាមួយរថយន្តស៊េរីទំនើបរបស់ខ្លួន ។
ធ្លាប់បង្ហាញខ្លួនជាមួយការរាំរបាំបែបបុរាណតែ ពេលនេះនាដការីរបាំបុរាណ សុខគា គឹមលាង ក៏មានចំណាប់អារម្មណ៍ចូលរួមនៅក្នុងព្រឹតិ្តការណ៍ដ៏អស្ចារ្យមួយនេះដោយ កញ្ញា បានបង្ហាញវត្តមានជាមួយរថយន្តស៊េរីខ្ពស់ម៉ាក Deepal LO7 2024 ជាមួយនឹងស្ទិលនៃការតែងខ្លួនយ៉ាងកាលីព ។
តួឯកលោ្ខន ផន សុផារី និង ស្វាមី ក៏បានចូលរួមនៅក្នុងព្រឹត្តិការណ៍នេះជាមួយរថយន្តម៉ាក Lamborghini ហើយអ្នកនាង និងស្វាមីក៏បានធ្វើឱ្យអ្នកលេងបណ្តាញសង្គមកោតសរសើរក្រោយពីអនុញ្ញាតឱ្យក្មេងប្រុសមួយរូបចូលអង្គុយក្នុងរថយន្តទំនើបរបស់ខ្លួន ។ ក្រៅពីសិល្បករ សិល្បការិនីគេក៏សង្កេតឃើញមានអ្នកលក់អនឡាញល្បីៗជាច្រើនបាននាំយករថយន្តទំនើបៗរបស់ខ្លួនចូលរួមនៅក្នុងកម្មវិធី Gumball3000 នេះដែរ ៕
