ជឿជាក់ថាអ្នកគាំទ្រប្រាកដជាបានស្គាល់ប្អូនប្រុសពៅរបស់តារាកំប្លែងវ័យក្មេង វ៉ាន់ នីឡា ដែលកន្លងមកយុវជនរូបនេះក៏បានលេចមុខនៅក្នុងការសម្តែងរឿងកំប្លែងនាពេលកន្លងមកជាមួយបងស្រីរបស់ខ្លួន ។ ប៉ុន្តែថ្មីៗនេះមហាជនមួយចំនួនមានការចាប់អារម្មណ៍ព្រោះបានឃើញលោកតា វ៉ិចទ័រ បានបង្ហោះវីដេអូកូនប្រុសពៅរបស់ខ្លួនក្នុងឈុតកូនកំលោះបែបប្រពៃណីខ្មែរ ជាមួយកូនក្រមុំយ៉ាងស្រស់ស្អាត។
ទោះមិនបានប្រឡូកឱ្យបានស៊ីជម្រៅដូចបងស្រីរបស់ខ្លួនក្តី តែកន្លងមកប្អូនប្រុសរបស់ វ៉ាន់ នីឡា បានចូលរួមសម្តែងរឿងកំប្លែងជាច្រើនដែលជាស្នាដៃរបស់លោកតា វ៉ិចទ័រ ជាឪពុក តែចុងក្រោយនេះបានបាត់មុខពីការសម្តែងកំប្លែង ស្រប វ៉ាន់ នីឡា ធ្លាប់បង្ហាញក្នុងហ្វេសប៊ុកថាប្អូនប្រុសខ្លួនទៅរៀននៅក្រៅប្រទេស ហើយលោកតា វ៉ិចទ័រ ក៏បាននិយាយកូនប្រុសឈប់សម្តែងហើយ ។
អវត្តមានពីការសម្តែងមួយរយៈស្រាប់តែថ្មីៗនេះគេបានឃើញលោកតាវ៉ិចទ័រ បានបង្ហោះវីដេអូនៅក្នុងតិកតុកបង្ហាញពីកូនប្រុសពៅរបស់លោកស្លៀកឈុតកូនកំលោះយ៉ាងស្រស់សង្ហាជាមួយនិងកូនក្រុមុំរូបស្រស់ម្នាក់ ។
បើទោះលោកតា វ៉ិចទ័រ មិនបានបញ្ជាក់ថាជាការថតរូបសម្រាប់ពិធីមង្គលការក្តី តែអ្នកគាំទ្រជាច្រើនលើកឡើងថាជាការថតរូបPre Wedding ត្រៀមចូលរោងការរបស់កូនប្រុសពៅលោកតា វ៉ិចទ័រ ។ ក្នុងនោះក៏មានលាន់មាត់ថានៅតូចថ្ងៃមុនសោះពេលនេះឡើងកំលោះសង្ហាតែម្តង ។ ខ្លះទៀតក៏បាននិយាយថាកូនកំលោះ និងកូនក្រមុំស្រស់ស្អាតសមគ្នាខ្លាំងណាស់។ ប៉ុន្តែយ៉ាងណាគេមិនទាន់ច្បាស់១០០ភាគរយថាតើជារូបភាពត្រៀមរៀបការ ឬជាការថតផ្សព្វផ្សាយសម្អាងការឡើយព្រោះមើលទៅនៅប្អូនប្រុស វ៉ាន់ នីឡា អាយុក្មេងនៅឡើយ៕
