ពិតជាមិនធម្មតាទើបSurprise រថយន្តទំនើបជូនគូស្នេហ៍មិនទាន់បានប៉ុន្មានផងពេលនេះអ្នកជំនួញអនឡាញ ម៉ាដាម ដា បានជះប្រាក់កម្មង់រថយន្តទំនើបលំដាប់អភិជនថ្មីចែសជូនខ្លួនឯងដែលមានតម្លៃខ្ពស់កប់ពពក ដែលធ្វើឱ្យអ្នកគាំទ្រលាន់មាត់សរសើរគ្រប់គ្នា ។
ក្រោយពីភ្ជាប់ស្នេហ៍ជាមួយតារាសម្តែង ប៊ឺរី រយៈពេលខ្លីក៏ពិតមែន តែ ម៉ាដាម ដា ហាក់មានក្តីសុខនិងស្រស់ស្រាយជាខ្លាំង ជាពិសេសចំពោះជីវិតស្នេហាថ្មីថ្មោងរបស់អ្នកនាងដែលគេតែងតែឃើញតាមរយៈការចែករំលែកវីដេអូខ្លីៗនៅក្នុងបណ្តាញសង្គម ។ បើទោះមិនទាន់រៀបការក្តី តែ ម៉ាដាម ដា បានទិញរថយន្តម៉ាកហ្សីបថ្មីចែសមួយគ្រឿងកាដូជូនគូស្នេហ៍លោក ប៊ឺរី កាលពីពេលថ្មីៗនេះដែលធ្វើឱ្យមហាជនជាអ្នកតាមដានជីវិតឯកជនរបស់អ្នកទាំងពីរមានការលាន់មាត់សរសើរដល់សំណាងរបស់លោក ប៊ឺរី គ្រប់គ្នា ។
ក្នុងនោះក៏មានអ្នកខ្លះបានខមិនត្រង់ៗចំពោះលោក ប៊ឺរី ថាស្រឡាញ់លុយ តែត្រូវលោកច្រានចោលថាលោកមិនមែនជាមនុស្សបែបនេះទេ ហើយមុននឹងនិយាយគួរស្វែងយល់ពីចំណុចល្អរបស់ ម៉ាដាម ដា ផង ។
អ្វីដែលកត់សម្គាល់ទិញរថយន្តជូនលោក ប៊ឺរី មិនបានប៉ុន្មានផងពេលនេះ ម៉ាដាម ដា ក៏បានទិញកាដូជូនខ្លួនឯងនូវប្រភេទរថយន្តលំដាប់អភិជនពណ៌ខ្មៅស្រិលម៉ាក Rolls Royceមួយគ្រឿងដែលត្រូវគេដឹងថាមានតម្លៃខ្ពស់មិនធម្មតាឡើយ ។ ជាមួយកាដូសម្រាប់ខ្លួនឯងមួយនេះអ្នកជំនួញដែលមានជាកញ្ចប់ ម៉ាដាម ដា បានលើកឡើងថា«កាដូសំរាប់ខ្លួនឯងហត់មកយូរហើយ»។ ងាកមកលោក ប៊ឺរី ឯណេះវិញក៏បានបង្ហាញការត្រេកអរចំពោះសមាជិកថ្មីរបស់អនាគតភរិយាដោយលើកឡើងថាពិតជាស័ក្តិសមហើយសម្រាប់មនុស្សពូកែដូចជា ម៉ាដាម ដា របស់លោកនោះ៕
