សុភ័ក្រ្ត កុសុម៉ា ក៏ជាសិល្បការិនីដែលមានសមត្ថភាពម្នាក់ពោលនាងអាចប្រឡូកបានគ្រប់ទម្រង់មិនថាច្រៀង ឬពិធីការិនីនោះទេ ។ អ្វីដែលគួរឱ្យកត់សម្គាល់គ្រាន់តែរៀបការភ្លាមពិធីការិនីរូបនេះក៏ឆក់បានតំណែងធំមួយព្រមគ្នាពោលជាអ្នកតំណាងឱ្យទឹកបរិសុទ្ធមួយផងដែរ ។
បើទោះជាធ្លាប់ថតផ្សព្វផ្សាយផលិតផលមួយចំនួនក្តី តែភាគច្រើនទើបតែលើកនេះគេបានឃើញ សុភ័ក្រ្ត កុសុម៉ា ក្លាយជាអ្នកBA ទឹកបរិសុទ្ធល្បីឈ្មោះមួយដោយមានភ្ជាប់រូបភាពយ៉ាងធំស្រស់ស្អាត ។ មានការលើកឡើងពីសំណាក់ហ្វេន ហ្វេន ថាក្រោយរៀបការហើយភ្លាម សុភ័ក្រ្ត កុសុម៉ា មានហាងឆេងភ្លែតតែម្តង ។ សម្រាប់តម្លៃខ្លួនក៏ត្រូវបានគេព្រលយថាទទួលបានតម្លៃខ្ពស់គួរសមព្រោះនាងក៏ជាសិល្បការិនីដែលមានប្រជាប្រិយភាពម្នាក់នៅក្នុងសង្គមផងដែរ ។
ក្រោយរៀបការហើយ សុភ័ក្រ្ត កុសុម៉ា មិនទាន់ទម្លាយពីគម្រោងនៅក្នុងការធ្វើដំណើរទៅក្រេបទឹកឃ្មុំនៅបរទេសដូចប្តីប្រពន្ធថ្មីថ្មោងនៅឡើយទេ ។តាមការលើកឡើងរបស់អ្នកនាងនៅក្នុងStory បានឱ្យដឹងថាទាំងខ្លួននិងស្វាមីមានការហត់នឿយនិងខ្យល់ចាប់ដោយសារមិនបានសម្រាកគ្រប់គ្រាន់។
បើតាមគម្រោង សុភ័ក្រ្ត កុសុម៉ា ត្រូវរៀបការនៅក្នុងថ្ងៃទី ១១ ខែវិច្ឆិកា ទេ តែក្រោយមកក៏មានការផ្លាស់ប្តូរទៅវិញ។
អ្វីដែលកត់សម្គាល់បើទោះបីពិធីមង្គលការបានបញ្ចប់ទៅហើយក្តី តែរូបភាពដ៏ស្រស់ស្អាតរបស់ សុភ័ក្រ្ត កុសុម៉ា និងស្វាមីនៅក្នុងថ្ងៃពិសេសនៅតែមានការចែករំលែក និងអបអរពីសំណាក់មិត្តភក្តិសិល្បៈ និងអ្នកគាំទ្រនៅក្នុងបណ្តាញសង្គមជាហូរហែ ។ ក្នុងនោះក៏មានតារាស្រីមិនតិចទេដែលចង់មានសំណាងបានជួបបុរសល្អដូចជាស្វាមី សុភ័ក្ត្រ កុសុម៉ា ដែលស្រឡាញ់និងផ្តល់តម្លៃដល់ភរិយា ៕
