ចុងក្រោយនេះគេសង្កេតឃើញលោក គឹម ហាន បានចែករំលែករូបភាពដ៏ស្រស់ស្អាតជាមួយនារីវ័យក្មេងម្នាក់ដែលជាដៃគូថ្មីដែលធ្វើឱ្យអ្នកគាំទ្រមួយចំនួនសង្ស័យថាលោកប្រហែលជិតមានដំណឹងល្អនៅក្នុងពេលឆាប់ៗនេះ ។
ដ្បិតចែកផ្លូវជាមួយតារាចម្រៀង ពេជ្រ សូលីកា ក្តី តែ លោក គឹម ហាន នៅតែទទួលបានការចាប់អារម្មណ៍ពីសំណាក់អ្នកលេងហ្វេសប៊ុក ជាពិសេសក្រោយលោកបានចែករំលែកវីដេអូធ្វើម្ហូបខ្មែរជាបន្តបន្ទាប់នៅក្នុងបណ្តាញសង្គម ។
ក្នុងនោះក៏មានការសរសើរដល់រូបលោកដែលពូកែនៅក្នុងការធ្វើម្ហូបខ្មែរយ៉ាងស្ទាត់ជំនាញមិនចាញ់ចុងភៅអាជីពបើទោះជាធ្លាប់រស់នៅក្នុងប្ររទសអូស្ត្រាលីក្តី ។ អ្វីដែលចាប់អារម្មណ៍ក្រោយចែកផ្លូវពីតារាចម្រៀងល្បី ពេជ្រ សូលីកាលោក គឺម ហាន បានបង្ហាញមុខដៃគូថ្មីដែលជានារីវ័យក្មេងដែលមានសម្រស់ស្រស់ផូរផង់ ជាសាធារណៈហើយថ្មីៗនេះអ្នកទាំងពីរក៏បានបើកបង្ហាញពីរូបភាពដ៏ស្រស់ស្អាតជាច្រើនដែលគេសង្ស័យថាជារូបភាព Pre Wedding ផងដែរ ។
ថ្មីៗនេះលោក គឺម ហាន បានបង្ហាញរូបភាពជាច្រើនសន្លឹកជាមួយគូស្នេហ៍នៅក្នុងឈុតសម្លៀកបំពាក់បែបបុរាណដែលមើលទៅពិតជាស្រស់ស្អាតនិងស័ក្តិសមជាខ្លាំង។ ប៉ុន្តែយ៉ាងណាគេមិនច្បាស់ថាតើជារូបភាព Pre Wedding របស់លោកឬបែបណាឡើយ ។
ខណៈលោក គឹម ហាន កំពុងរស់នៅយ៉ាងមានក្តីសុខជាមួយដៃគូថ្មីនឹងបានបើកបង្ហាញជាសាធារណៈបែបនេះ តែបើក្រឡេកមកមើលតារាចម្រៀង ពេជ្រ សូលីកា ហាក់ស្ងាត់ឈឹងចំពោះរឿងដៃគូពោលនាងកំពុងតែរស់នៅក្នុងនាមជា Single Mom ជាមួយកូនប្រុសយ៉ាងមានក្តីសុខ ៕
