មិនខុសពីតារាចម្រៀងដទៃឡើយក្នុងឱកាសព្រះរាជពិធីបុណ្យអុំទូក អកអំបុកនិងសំពះព្រះខែដែលទើបកន្លងទៅនេះតារាចម្រៀង រ៉ាប៊ី ត្រូវបានគេមើលឃើញថាសម្រុកកើបប្រាក់មិនធម្មតាឡើយតាមរយៈការចេញច្រៀងនៅតាមឆាកប្រគំតន្រ្តីនានា។ អ្វីដែលគួរឱ្យកត់សម្គាល់មិនត្រឹមជាតារាចម្រៀងដែលមានប្រជាប្រិយភាពប៉ុណ្ណោះទេ រ៉ាប៊ី ត្រូវបានអ្នកគាំទ្រជាច្រើនជុំរុញឱ្យនាងចូលរួមប្រកួតនៅក្នុងវិស័យបវរកញ្ញាថែមទៀត។
បើទោះមិនមែនជាតារាចម្រៀងប្រចាំផលិតកម្មក្តី តែ បទចម្រៀងមួយបទៗរបស់ រ៉ាប៊ី បានធ្វើឱ្យអ្នកគាំទ្រជាយុវវ័យមានការពេញចិត្តជាខ្លាំង ។ ជាពិសេសការបញ្ចេញក្បាច់រាំកន្ត្រាក់អារម្ម ណ៍របស់នាងតែម្តង ។
តួយ៉ាងកាលពីពេលថ្មីៗនេះ រ៉ាប៊ី បានបង្ហាញវត្តមាននៅក្នុងឆាកតន្រ្តីជាមួយនឹងការបកស្រាយបទចម្រៀងល្បីៗរបស់នាងជាមួយនឹងស្ទីលតុបតែងខ្លួនយ៉ាងទាក់ទាញនិងសិចស៊ីដែលធ្វើឱ្យអ្នកគាំទ្រជាច្រើនលាន់មាត់សរសើរពីសម្រស់និងរូបរាងស្រឡូនស្អាតរបស់តារាចម្រៀងរូបនេះគ្រប់គ្នា ។ ក្នុងនោះក៏មានអ្នកគាំទ្រជាច្រើនបានស្នើឱ្យតារាចម្រៀងរូបនេះចូលរួមប្រកួតនៅក្នុងវិស័យបវរកញ្ញាព្រោះនាងមានទាំងសម្រស់ និងសមត្ថភាព។
ជាមួយគ្នានោះក៏មានបុរសៗមិនតិចទេបានបង្ហាញអារម្មណ៍ច្រណែនចំពោះបុរសសង្ហាដែលជាដៃគូរបស់តារាចម្រៀង រ៉ាប៊ី ថែមទៀត ។
រ៉ាប៊ី ត្រូវបានគេចាត់ទុកជាតារាចម្រៀងយុវវ័យដែលមានទាំងព្រមមិនថាសមត្ថភាព រូបសម្រស់ ក្នុងចំណោមតារាចម្រៀងយុវវ័យដែលមានដូចជា យូរី និង ទេព បូព្រឹក្ស ជាដើម។ អ្វីដែលកត់សម្គាល់មួយបទៗរបស់ រ៉ាប៊ី នាពេលកន្លងមកទទួលបានការគាំទ្រពីសំណាក់ហ្វេន ហ្វេន ជាច្រើន បើទោះមានការរិះគន់ខ្លះៗពីចំណងជើងនៃបទចម្រៀងក្តី ។ មិនត្រឹមជាតារាចម្រៀងប៉ុណ្ណោះទេ រ៉ាប៊ី ក៏ក្តោបបានការថតស្ប៉តផ្សាយផលិតផលជាបន្តបន្ទាប់ទៀតផង៕
