ថ្មីៗនេះគេបានឃើញតារាសម្តែងរូបសង្ហាលោក ប៉ែន ភ័ក្ត្រសុធារិទ្ធ និងអ្នកជំនួញអនឡាញល្បីឈ្មោះ អ៊ាន សៀវម៉ី បានបង្ហាញភាពផ្អែមល្ហែមនៅតាមបណ្តាញសង្គមមិនចាញ់គូស្នេហ៍យុវវ័យប៉ុន្មានឡើយ ។ ប៉ុន្តែយ៉ាងណាក៏នៅតែមានអ្នកលេងបណ្តាញសង្គមមួយចំនួនតូចយល់ថាជាការសម្តែងដើម្បីលក់ផលិតផលតែប៉ុណ្ណោះ ។
ថ្មីៗនេះគេតែងឃើញវីដេអូយ៉ាងស្អិតល្មួតរបស់តារាសម្តែងរូបសង្ហា ប៉ែន ភ័ក្ត្រសុធារិទ្ធ ជាមួយឧកញ៉ា អ៊ានសៀវម៉ី ដែលតាមរយៈភាពស្និទ្ធស្នាលរបស់អ្នកទាំងពីរធ្វើឱ្យ ហ្វេន ហ្វេន មានការចាប់អារម្មណ៍ជាខ្លាំង ។ ក្នុងនោះក៏មានអ្នកគាំទ្រមួយចំនួនបានចូលទៅបញ្ចេញមតិអបអរសាទរនិងសរសើរពីភាពស័ក្តិសមរបស់អ្នកទាំងពីរបើទោះពួកគេមានគម្លាតអាយុខុសគ្នាដល់ទៅ ១០ឆ្នាំក្តី ។
ជាមួយនឹងភាពផ្អែមល្ហែមរបស់តារាសម្តែង ប៉ែន ភ័ក្ត្រសុធារិទ្ធ ជាមួយអ្នកជំនួញសម្បូរទ្រព្យរូបនេះក៏ត្រូវអ្នកលេងហ្វេសប៊ុកខ្លះគិតថាជាការសម្តែងនៅក្នុងរឿងទៅវិញ តែកន្លងមកតារាសម្តែងរូបសង្ហាម្នាក់នេះបដិសេធមិននិយាយលម្អិតពីទំនាក់ទំនងជាមួយអ្នកជំនួញទ្រព្យស្តុកនេះឱ្យបានច្បាស់លាស់ទេ ។ សម្រាប់ឧកញ៉ា អ៊ាន សៀវម៉ឺ ធ្លាប់បាននិយាយថាលោក ប៉ែន ភ័ក្ត្រសុធារិទ្ធ មិនមែនជាBAផលិតផលលោកស្រីឡើយ ។
អ្វីដែលគួរឱ្យកត់សម្គាល់បើទោះឧកញ៉ា អ៊ាន សៀវម៉ឺ ជាអ្នកម្តាយរបស់កូនប្រុសស្រីដល់ទៅបីនាក់ និងមានវ័យជាង ៤០ឆ្នាំ ក្តី តែសម្រស់ពិតជាស្រស់ខ្ញង់មិនចាញ់តារាប៉ុន្មានឡើយ។ រួមផ្សំទាំងភាពឆ្លាតវៃនៅក្នុងមុខជំនួញទៀតនោះអាចធ្វើឱ្យតារាសម្តែង ប៉ែន ភ័ក្ត្រសុធារិទ្ធ មើលរំលងនារីដែលមានវ័យក្មេងជាងឬស្របាលៗរូបលោក ។ មិនមែនអ្វីចម្លែកទេព្រោះចុងក្រោយនេះអ្នកជំនួញអនឡាញល្បីៗមួយចំនួនបានភ្ជាប់ស្នេហ៍ជាមួយកំលោះសង្ហាជាអ្នកសិល្បៈដែលមានដូចជា ថៅកែពេជ្រ ទ្រី ដាណា និងលោកស្រី ម៉ាដាម ដា ជាដើម៕
