√ ជនឃោរឃៅ ទាញកាំបិតកាប់កូនចំក្បាល ស្លាប់ភ្លាមៗ, បន្ទាប់មកដេញកាប់ប្អូន និងប្រពន្ធ...

ខេត្តព្រះសីហនុ៖ កាលពីវេលាម៉ោង១០និង២០នាទីយប់ថ្ងៃទី០៧ធ្នូ២០១៦នេះ មានករណីមនុស្សឃាតមួយកើតឡើងក្នុងលំនៅដ្ឋាន ស្ថិតក្នុងភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ។ បង្កដោយជនសង្ស័យម្នាក់ឈ្មោះជិវ រដ្ឋា ភេទប្រុសអាយុ២៥ឆ្នាំ មុខរបរជាងទង មានទីលំនៅចំណុចភូមិកើតហេតុខាងលើ បានប្រើកាំបិតកាប់ទៅលើជនរងគ្រោះដែលត្រូវជាកូនស្រីបង្កើតឈ្មោះជិវ លីហួរ ភេទស្រីអាយុ៣ឆ្នាំ(ស្លាប់នៅកន្លែងកើត) ក្រោយពីកាប់សម្លាប់កូនរួចជនសង្ស័យបានរត់ចេញតាមផ្លូវជាតិលេខ៤ដេញកាប់ជនរងគ្រោះម្នាក់ទៀតឈ្មោះ មាន ហួតភេទ ប្រុសអាយុ១៧ឆ្នាំ មុខរបរសិស្ស មានទីលំនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ បណ្តាលឲ្យរងរបួសត្រង់ ប្រអប់ដៃស្តាំ ក្នុងពេលជនរងគ្រោះកំពុងដើរតាមផ្លូវ។

ប្រភពបានបំភ្លឺជា(បឋម)ពីឈ្មោះ ជិន សាមាឌី ភេទស្រីអាយុ២៥ឆ្នាំ មុខរបរមេផ្ទះ ត្រូវជាប្រពន្ធរបស់ជនសង្ស័យអោយសមត្ថកិច្ចដឹងថា ជនសង្ស័យមានសភាពដូចមនុស្សបែកថ្នាំហើយបានបំផ្លិចបំផ្លាញសម្ភារៈប្រើប្រាស់ក្នុងផ្ទះទាញកាំបិតដេញកាប់អ្នកនៅក្នុងផ្ទះ តែស្ត្រីជាភរិយារូបនេះបានរត់គេចខ្លួនមកប្តឹងសមត្ថកិច្ចជួយអន្តរាគមន៍។

បច្ចុប្បន្នជនសង្ស័យត្រូវបានកម្លាំងអាវុធហត្ថស្រុកព្រៃនប់ឃាត់ខ្លួននិងកំពុងអនុវត្តតាមនិតិវិធី៕