វប្បធម៌នៃចែករំលែកតែស្ថិតនៅក្នុងក្រអៅបេះដូងជនជាតិខ្មែរជានិច្ចមិនដែលភ្លេចនោះទេជាក់ស្ដែង លោកឧកញ៉ា ស្រី ចាន់ថន បានទៅបំពេញការងារនៅឯប្រទេសថៃ ហើយបានបងប្អូនខ្មែរពីរនាក់ដោយចៃដន្យ ខណៈដែលពួកគេកំពុងលាងចានក្នុងភោជនីយដ្ឋានមួយកន្លែង ក៏បានជូនលុយ ៣,៥០០បាត ជាទ្រនាប់ដៃ ដើម្បីបង្ហាញទឹកចិត្តស្រឡាញ់រាប់អានជាតិខ្មែរតែមួយ។ នេះពិតមិនសរសើរមិនបាននូវសន្តានចិត្តល្អរបស់លោក។
តើមានសកម្មភាពអ្វីខ្លះពេលលោកជួបបងប្អូនខ្មែរនៅថៃ ? ដើម្បីជ្រាបច្បាស់សូមអានសំណេរខាងក្រោមនេះ៖
"ក្នុងពេលដែលខ្ញុំចុះមកបំពេញការងារនៅឯប្រទេសថៃ ខ្ញុំបានចុះមកពិសាអាហារនៅក្នុងភោជនីយដ្ឋានមួយកន្លែង ហើយចៃដន្យខ្ញុំបានជួបនិងបងប្អូនខ្មែរយើងពីរនាក់ ដែលគាត់កំពុងធ្វើការជាអ្នកលៀងចាននៅទីនោះ ហើយខ្ញុំក៏បានចូលទៅនិយាយលេងនិងសួរសុខទុក្ខពួកគាត់ ផ្តល់កម្លាំងចិត្តជូនពួកគាត់ ហើយខ្ញុំបានសន្យាថានឹងចុះមកជួបពួកគាត់ម្តងទៀត។
ជាចុងក្រោយ ខ្ញុំបានជូនពួកគាត់ជាថវិកាចំនួន (3,500បាត) នេះជាទឹកចិត្តបន្តិចបន្តួច ហើយអ្វីដែលលើសពីនេះទៅទៀត ខ្ញុំឃើញគាត់សប្បាយចិត្តដែលឃើញបងប្អូនខ្មែរយើង ពេលជួបគាត់ ចេះឲ្យតំលៃនិងគោរពស្រលាញ់គ្នាទៅវិញទៅមក។ l love Cambodian" ៕
ផ្តល់សិទ្ធិដោយ៖KQUBE
