√ ឃើញប្តីគេមិននៅ មកចង់លេង(ស្តាយអ៊ឺរ៉ុប) មានអី !! ដាច់អណ្តាតខាន.លិឍ !!

ខេត្តតាកែវ៖ បុរសម្នាក់ដែលមានសមាសភាពមិនសូវល្អ ឃើញប្រពន្ធគេដេកតែឯង ដោយប្តីមិននៅ បានមកធ្វើសកម្មភាពចាប់រំលោភទាំងកំរោល ដោយប្រើស្តាយបឺតមាត់ មានអីដាច់អណ្តាតពាក់កណ្តាលបាត់។ ហេតុការណ៍ចាប់រំលោភសេពសន្ថវ:នេះបានកើតឡើងកាលពីវេលាម៉ោង១០នឹង០០នាទីយប់ថ្ងៃទី៧ខែមករាឆ្នាំ២០១៧ ស្ថិតនៅក្នុងភូមិស្គុល ឃុំស្មោង ស្រុកទ្រាំង ខេត្តតាកែវ។

បើតាមការៀបរាប់របស់ស្ត្រីរងគ្រោះបានប្រាប់ឲ្យដឹងថា រូបគាត់មានឈ្មោះ សួន គា អាយុ៣៧ឆ្នាំ មានកូនបីនាក់ ដោយប្តីរបស់គាត់មិនបាននៅជាមួយទេ ដោយទៅធ្វើកម្មករនៅប្រទេសថៃ។គាត់បានបន្តទៀតថានៅយប់កើតហេតុរូបគាត់កំពុងតែដេកនៅលើគ្រែបីនាក់កូន លុះដល់វេលាម៉ោងខាងលើស្រាប់តែលេចមុខជនសង្ស័យបានមកហៅគាត់ឲ្យក្រោក រួចគាត់ក៍បានក្រោកចេញមកដោយយល់ថាជាមនុស្សស្គាល់គ្នានៅក្នុងភូមិ។គាត់បានបន្តទៀតថាពេលដែលគាត់ចេញបានសួរទៅជនសង្ស័យថាហៅគាត់ធ្វើអីថ្មើនឹង ហើយជនសង្ស័យឆ្លើយថាជួយជូនគេទៅនេះតិច ទៅនោះតិច គាត់ក៍បានឆ្លើយថាអត់ទៅទេចង់ទៅណាទៅៗ ព្រោះគាត់យល់ថាមនុស្សនឹងមិនល្អ ស្រាប់តែជនសង្ស័យបានស្ទុះមកចាប់គ្រៀក(ក)របស់គាត់ហើយដៃវាម្ខាងទៀតបានចាប់ច្របាច់ដោះរបស់គាត់ផ្តួលទៅលើដី ហើយវាបានយកមាត់របស់វាមកបឺតមាត់គាត់ ពេលនោះគាត់ក៍បានខាំអណ្តាតវាដាច់មួយកំណាត់។ធ្វើឲ្យជនសង្ស័យឈឺស្ទុះរត់គេចខ្លួនបាត់ទាំងយប់ ទើបបង្ករឲ្យមានការភ្ញាក់ផ្អើលកើតឡើង។

ក្រោយពេលកើតហេតុ ព្រឹកឡើងទើបដឹងដល់សមត្ថកិច្ចបានចុះទៅដល់កន្លែងកើតហេតុ រកឃើញវត្ថុតាងមួយចំនួនរួមមាន ស្បែកជើង១គូ បារី១កញ្ចប់ កំប៉ុងស្របៀ១ នឹងអណ្តាត១កំណាត់ បន្ទាប់ពីធ្វើការសាកសួរ រួចសមត្ថកិច្ចបាននាំជនរងគ្រោះមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលឃុំស្មោង។បើតាមការឲ្យដឹងពីលោក ហេង ហ៊ត មេប៉ុសិ៍នគរបាលរដ្ឋបាលឃុំស្មោងបានប្រាប់ឲ្យដឹងថាជនសង្ស័យ មានឈ្មោះថន ក្រច់ ភេទប្រុស អាយុ២៦ឆ្នាំ រស់នៅភូមិឃុំជាមួយគ្នា ជាមុខសញ្ញាចាស់ ពេលនេះសមត្ថកិច្ចរបស់លោកកំពុងតែធ្វើការតាមរកចាប់ខ្លួនយកមកផ្តន្ទាទោសទៅតាមផ្លូវច្បាប់៕

ដោយ៖ (សុខន)