ខេត្តក្រចេះ ៖ កាលពីរសៀលថ្ងៃទី៨ ខែមករា ឆ្នាំ២០១៧ បុរសវ័យចំណាស់ម្នាក់ត្រូវបានសមត្ថកិច្ចចាប់ខ្លួន ដោយចោទប្រកាន់ថា បានចាប់រំលោភក្មេងស្រីម្នាក់នៅចំណុចវាលម្រះ ស្ថិតក្នុងភូមិគ្រញូងសែនជ័យខាងជើង ឃុំគ្រញូងសែនជ័យ ស្រុកស្នួល ខេត្តក្រចេះ ។
ប្រភពឲ្យដឹងថា ជនសង្ស័យដែលត្រូវចាប់ខ្លួនឈ្មោះ សុំ ឡឹម ភេទប្រុស អាយុ៥១ឆ្នាំ រស់នៅភូមិគ្រញូងសែនជ័យខាងជើង ឃុំគ្រញូងសែនជ័យ ស្រុកស្នួល ខេត្តក្រចេះ ចំណែកក្មេងស្រីរងគ្រោះឈ្មោះ ឃ.ដ.រ ទើបតែមានអាយុ១៤ឆ្នាំប៉ុណ្ណោះ ។
ក្រោយពេលចាប់ខ្លួន ជនសង្ស័យត្រូវបានបញ្ជូនទៅអធិការដ្ឋាននគរបាលស្រុកស្នួល ដើម្បីធ្វើការសាកសួរ និងកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់ ៕
ផ្តល់សិទ្ធិដោយ៖ VD7News.com