√ ឧកញ៉ា ម៉ុង ឫទ្ធី និយាយអីខ្លះបន្ទាប់ពីទៅមើលចម្ការស្វាយនៅកោះហៃណាន

រាជធានីភ្នំពេញ៖ នេះជាសម្រង់សំណេររបស់ លោកឧកញ៉ា ម៉ុង ឫទ្ធី ដែលលោកបានចុះផ្សាយនៅ ល្ងាចថ្ងៃទី១២ ខែមករា ឆ្នាំ២០១៧នេះ បន្ទាប់ពីលោកបានទៅទស្សនកិច្ចនៅកោះ ហៃណាន ប្រទេសចិន។ សូមអានសំណេរខាងក្រោមនេះដើម្បីជាអត្ថប្រយោជន៍ និងជាចំណេះដឹងថ្មីរបស់លោកអ្នក។

"មកដល់កោះហៃណាន វេលាម៉ោង៣និង៣០ល្ងាច ថ្ងៃព្រហស្បតិ៍ទី១២ ខែមករា ឆ្នាំ២០១៧ ដើម្បីអោយចំណេញពេលវេលា ទៅពិនិត្យមើលចំការស្វាយតែម្តង កោះនេះមានចំការស្វាយ១១០.០០០ហិកតា បួនរយដើមមួយហិកតា ទទួលផលបាន62kg/ដើម=25t/ha តម្លៃលក់មុនចូលឆ្នាំចិន3$/kg ចុះថ្លៃរហូតដល់ 0,50$/kg លក់ក្នុងស្រុកចិនទាំងអស់"។

"ស្រុកចិនអាចដាំស្វាយបានតែប្រាំខេត្តទេ ស្វាយនៅកោះហៃណាន ភាគច្រើនប្រើប្រព័ន្ធស្រោចស្រព រដ្ឋរដ្ឋាភិបាលជួយទុន60%និងបច្ចេកទេសផង អាកាសធាតុពីរដូវដូចកម្ពុជាយើងដែរ កម្រិតទឹកភ្លៀងក្រោម 2.000mm/yearដើម្បីទទួលផលបានច្រើនត្រូវតែអោយស្វាយផ្ការដូវរំហើយ បើផ្កានៅពេលកំពង់តែភ្លៀងមិនបានផលល្អទេ"។

"កោះនេះមានផ្ទៃដីទំហំ បីម៉ឺនប្រាំពាន់គីឡូម៉ែត្រការ៉េ មានប្រជាជនប្រាំបីលានប្រាំបួនសែននាក់។ តម្លៃជួលដី 600$/year ជួលពីរដ្ឋមកធ្វើចម្ការរយៈ៣០ឆ្នាំ ឃ្លាំង៥០ឆ្នាំ លំនៅឋាន៧០ឆ្នាំ។ រៀងរាល់ឆ្នាំដាក់ជីធម្មជាតិ20kg/១ដើម នឹងជីគីមី1.5kg. ប្រាក់ខែកម្មករ 400$/១ខែ ក្នុងម្នាក់ត្រូវទទួលខុសត្រូវថែទាំស្វាយ1.000ដើម"៕