√ មុននេះ !! រថយន្តដឹកកម្មករមួយគ្រឿងបានក្រឡាប់ មានមនុស្ស រងរបួសច្រើននាក់

ខេត្តកំពង់ស្ពឺ៖ យោងតាមសេចក្តីរាយការណ៍(បឋម)បានឲ្យដឹងថា នៅព្រឹកព្រលឹមថ្ងៃទី២៣មករា២០១៧ នេះមានរថយន្តដឹកកម្មករមួយគ្រឿង បានក្រឡាប់ខណៈកំពុងធ្វើដំណើរទៅរោងចក្រ បណ្តាលឲ្យរងរបួសជាច្រើននាក់ ស្ថិតនៅភូមិកែវមុនី ឃុំ-ស្រុកសំរោងទង ខេត្តកំពង់ស្ពឺ។

ប្រភពដដែលបានបន្តថា ករណីនេះកើតឡើងដោយសារតែ រថយន្តគាំងចង្កូត តែមិនទៅប៉ះពារជាមួយគេផ្សេងនោះទេ ហើយរថយន្តក៏ក្រឡាប់តែម្តង។

ទោះយ៉ាងណាមិនទាន់អាចបញ្ជាក់បានថា តើជនរងគ្រោះប៉ុន្មាននាក់ រងរបួសនោះឡើយ ដោយនៅពេលនេះ កម្លាំងសមត្ថកិច្ចកំពុងចេញជួយអន្តរាគមន៍ ដឹកយកទៅមន្ទីរពេទ្យ៕