ខេត្តប៉ៃលិន៖មានករណីគ្រោះថ្នាក់ចរាចរណ៍មួយបានបានកើតឡើងកាលពីវេលាម៉ោង៨ និង៥០នាទីព្រឹក ថ្ងៃទី២៦ ខែមករា ឆ្នាំ២០១៧ លើកំណាត់ផ្លូវជាតិលេខ៥៧ ស្ថិតក្នុងភូមិអូរតាពុកក្រោម សង្កាត់ទូលល្វា ក្រុងប៉ៃលិន ខេត្តប៉ៃលិន ។ដោយយុវជនម្នាក់ជិះម៉ូតូបុកគូទឡានកំពុងចតស្ងៀមពីក្រោយបណ្តាលអោយរងរបួសធ្ងន់។
តាមប្រភពព័ត៌មានពីកន្លែងកើតហេតុបានអោយដឹង គេឃើញយុវជនម្នាកឈ្មោះសាន់ ប៊ិន ភេទប្រុស អាយុ២៩ឆ្នាំ មុខរបរនៅផ្ទះ រស់នៅភូមិអូរពើត សង្កាត់ទូលល្វា ក្រុងប៉ៃលិន ខេត្តប៉ៃលិន បានជិះម៉ូតូមួយគ្រឿង ម៉ាកឌ្រីម០១៥ ក្នុងទឹសដៅពីលិចទៅកើត ដែលមានល្បឿនលឿន លុះមកដល់ចំណុចកើតហេតុ ហាក់បីដូចជាអ្នកបើកបរម៉ូតូភាំងស្មារតី ក៍រ៉េចង្កូតបុកគូទរថយនម៉ាកហ្វត ពណ៌ស ពាក់ស្លាកលេខរាជការ 4430 ត្រូវបានគេស្គាល់ម្ចាសឈ្មោះ សៀក រតនៈ រស់នៅភូមិកើតហេតុខាងលើដែលចតស្ងៀមទាំងកម្រោល បណ្តាលឲ្យអ្នកបើកម៉ូតូសន្លបនិងកន្លែងតែម្តង ។
ក្រោយពេលកើតហេតុរួចគេឃើញសមត្ថកិច្ចចរាចរណ៍ចុះមកដល់ធ្វើការវាស់វែង ចំណែកអ្នកបើកបររងគ្រោះនៅសន្លប់ដដែល ប្រហែលជិតមួយម៉ោង ក៍ឃើញរថយន្តសង្ក្រោះរបស់មន្ទីរពេទ្យបង្អែកខេត្តប៉ៃលិន មកដឹកយកទៅសង្ក្រោះផងដែរ ៕
ផ្តល់សិទ្ធិដោយ៖VD7News.com
