តុលាការទីក្រុង សេអ៊ូល បានសម្រេចអនុញ្ញាតដល់ម្ចាស់ក្រុមហ៊ុន Samsung លោក Jay Y. Lee អាយុ ៤៨ ឆ្នាំ ឲ្យត្រឡប់ទៅផ្ទះ ដោយគ្មានការឃាត់ខ្លួន ជាការបដិសេធបណ្ដឹងរបស់រដ្ឋអាជ្ញាពិសេស ដែលទាមទារឲ្យតុលាការចេញដីកាចាប់ខ្លួនលោក Jay ពីបទផ្ដល់សំណូក ក្នុងឆ្នាំ ២០១៤ ជាប្រាក់ជាង ៣៦ លានដុល្លារ ដល់អង្គការរបស់មិត្តភ័ក្ដិលោកស្រីប្រធានាធិបតី Park Geun-hye ។
ការិយាល័យរដ្ឋអាជ្ញាពិសេស កូរ៉េខាងត្បូង សម្ដែងការសោកស្ដាយយ៉ាងខ្លាំង ចំពោះសេចក្ដីសម្រេចរបស់តុលាការទីក្រុង សេអ៊ូល ដែលបដិសេធចំពោះសំណើចាប់ខ្លួនប្រធានក្រុមហ៊ុន Samsungចំណែកក្រុមហ៊ុន Samsung បញ្ជាក់ក្នុងសេចក្ដីថ្លែងការណ៍ថា ក្រុមហ៊ុនគោរពតាមស្មារតីនៃការស៊ើបអង្កេតនេះ ដែលអាចត្រូវបានកំណត់ដោយមិនចាំបាច់មានការឃុំឃាំងជនជាប់ចោទ ។
រដ្ឋអាជ្ញាពិសេស កូរ៉េខាងត្បូង ជាច្រើនរូប បានចោទប្រកាន់ប្រធានក្រុមហ៊ុន Samsung ពីបទផ្ដល់សំណូកជាប្រាក់ជាង ៣៦ លានដុល្លារអាមេរិក ទៅឲ្យអង្គការជាច្រើនរបស់អ្នកស្រី choi soon-sil ដែលជាមិត្តភ័ក្ដិរបស់លោកស្រីប្រធានាធិបតី Park Geun-hye ជារឿងអាស្រូវដែលនាំទៅរកវិបត្តិនយោបាយក្នុងរដ្ឋាភិបាល កូរ៉េខាងត្បូង ។ ប្រភពៈ firstpost
ផ្តល់សិទ្ធិដោយ៖KQUBE
