កំពង់ស្ពឺ៖ កាលពីវេលាម៉ោងជាង៦ព្រឹកថ្ងៃទី២៣មករា២០១៧នេះ មានគ្រោះថ្នាក់ចរាចរណ៍យ៉ាងហោចណាស់កម្មករ-កម្មាការីចំនួន៣២នាក់ បានរងរបួសស្រាល ខណៈដែលរថយន្តដឹកកម្មករមួយគ្រឿងបានក្រឡាប់ផ្ងាជើង នៅចំណុចភូមិកែវមុន្នី ឃុំសំរោងទង ស្រុកសំរោងទង ខេត្តកំពង់ស្ពឺ។
បើយោងតាមលោកវរៈសេនីយ៍ឯកផ្នែកចរាចរណ៍ស្រុកសំរោងទងបានឲ្យដឹងថា ករណីរថយន្តកូរេដឹកកម្មករក្រឡាប់ខាងលើនេះ ពណ៌ស ពាក់ស្លាកលេខ ភ្នំពេញ2AB-3413 ដោយសារបញ្ហាបច្ចេកទេសគាំងចង្កូតរថយន្ត ខណៈរថយន្តបង្កកំពុងជែងគ្នាជាមួយរថយន្តផ្សេងទៀតនោះ ទើបបណ្តាលឲ្យវ៉េក្រឡាប់តែម្តង។ លោកបានបន្តថា ចំណែកកម្មកររងគ្រោះសរុបមានចំនួន៣២នាក់ រួមទាំងតៃកុងឡានម្នាក់ និងមានអ្នករងរបួសធ្ងន់ចំនួន ៦នាក់។
ក្រោយពេលកើតហេតុភ្លាមៗ គេបានបញ្ជូនជនរងគ្រោះ ទៅសង្គ្រោះបន្ទាន់នៅមន្ទីរពេទ្យ៕
ផ្តល់សិទ្ធិដោយ៖VD7News.com
