ខេត្តតាកែវ៖ នៅថ្ងៃទី១០ ខែកុម្ភៈ ឆ្នាំ២០១៧ វេលាម៉ោង៨ព្រឹក លោកវរសេនីយ៍ឯក សូ ភី ស្នងការរងទទួល ការងារព្រំដែន និងជាប្រធានក្រុមការងារចុះពង្រឹងស្រុកគិរីវង់ និងអធិការផ្ទាល់បានដឹកនាំបញ្ជាកម្លាំងជំនាញរបស់អធិការដ្ឋាននគរបាលស្រុកគីរីវង់ សហការជាមួយកងកម្លាំងជាប់ពាក់ព័ន្ធមួយចំនួនទៀត បានចុះបង្ក្រាបការដាំដើមកញ្ឆាខុសច្បាប់បាន០៤ចំណុចគឺ ខ្នងបន្ទាយចាស់ ជ្រោះឃ្លៃ គុហារចិន និងទឹកជ្រៃ ស្ថិតក្នុងភូមិជ្រោយ ឃុំព្រះបាទជាន់ជុំ ស្រុកគិរីវង់ ខេត្តតាកែវបានចំនួន ៧២ទីតាំង ស្មើនឹង២២,៤១៨ដើម។
បើយោងតាមការចុះផ្សាយរបស់អគ្គស្នងការនគរបាលជាតិបានចុះផ្សាយ ដោយស្រង់សំដីរបស់លោកវរសេនីយ៍ទោ យុគ សារ៉ាត់ អធិការនគរបាលស្រុកគីរីវង់ បានឲ្យដឹងថា ក្នុងកិច្ចប្រតិបត្តិការបង្ក្រាបនេះ កម្លាំងបានដក កាប់កម្ទេច និងប្រមូលដុតបំផ្លាញចោលនូវដើមកញ្ឆាទាំងនោះតាមទីតាំងនីមួយៗផងដែរ៕
ផ្តល់់សិទិ្ធដោយ៖KQUBE
ផ្តល់សិទ្ធិដោយ៖KQUBE
