Sponsor

​ខេត្ត​ស្ទឹងត្រែង៖​ ​កម្លាំង​សមត្ថកិច្ច​ជំនាញ​ការិយាល័យ​ទី​៩ នៃ​មន្ទីរ​ប្រឆាំង​គ្រឿងញៀន​ក្រសួង​មហាផ្ទៃ បាន​ស៊ើប​អង្កេត និង​ស្រាវជ្រាវ​បង្ក្រាប​ករណី​ជួញដូរ​គ្រឿងញៀន​មួយ​ករណី​​ នៅ​ចំណុច​គីឡូម៉ែត្រ​លេខ​៤៥៩ អូរ​ពង​មាន់​ខេត្ត​ស្ទឹងត្រែង​ ដោយ​ចាប់​ខ្លួន​ជន​សង្ស័យ​ជា​មន្ត្រី​នគរបាល​ថ្នាក់​អនុសេនីយ៍ត្រី​ម្នាក់​ ដកហូត​បាន​គ្រឿងញៀន​បាន​រាប់​ម៉ឺន​គ្រាប់ និង​កាំភ្លើងខ្លី​មួយ​ដើម​ផង​ដែរ កាល​ពី​វេលា​ម៉ោង​១០ និង​៤០​នាទី ព្រឹក​ថ្ងៃ​ទី​០៨ ខែ​កុម្ភៈ ឆ្នាំ​២០១៧។

​ ​ជនសង្ស័យ​ជា​មន្រ្តី​ប៉ូលីស​ខាង​លើ​មាន​​ឈ្មោះ ហែម សុផល ភេទប្រុស អាយុ​៤៥​ឆ្នាំ មុខរបរ ជា​មន្ត្រី​នគរបាល​ខេត្ត​ស្ទឹងត្រែង ឋានន្តរសក្ដិ​អនុសេនីយ៍ត្រី និង​តួនាទី​ជា​អនុប្រធាន​ផ្នែក ​នៃ​ការិយាល័យ​អន្តោ​ប្រវេសន៍​។ ​វត្ថុតាង​ចាប់​យក​រួមមាន​ ថ្នាំញៀន​ម៉េតំហ្វេតាមីន​WY​ចំនួន​១២​សុង ស្មើនឹង ២៤,០០០"ពីរ​ម៉ឺន​បួន​ពាន់"គ្រាប់ ​កាំ​ភ្លើង​ខ្លី​ធុន កា​៥៩ មួយ​​ដើម​ ​រថយន្ត​តូយ៉ូតា ហ៊ី​លុច​១​គ្រឿង​។

សមត្ថកិច្ច​ជំនាញ​កំពុង​បន្ត​សហការ ជាមួយ​នគរបាល​ខេត្ត​ស្ទឹងត្រែង ស្រាវជ្រាវ​រក​ចាប់​ខ្លួន​បក្សពួក​បន្ថែម​ទៀត​​៕ ប្រ. ផន សុផល​

ផ្តល់សិទ្ធិដោយ៖KQUBE

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post
Sponsor