ខេត្តកណ្ដាល ៖ កម្លាំងនគរបាលប៉ុស្តិ៍ដីឥដ្ឋ ស្រុកកៀនស្វាយ កាលពីវេលាម៉ោង ១៥និង០០នាទីរសៀល ថ្ងៃទី០៧ ខែកុម្ភ: ឆ្នាំ២០១៧ បានចុះធ្វើកិច្ចសន្យាអប់រំ អ្នកលេងល្បែងស៊ីសង(ល្បែងបៀរ)បានចំនួន០២នាក់ នៅចំណុចភូមិស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល ក្នុងនោះរួមមាន ៖
ទី១-ឈ្មោះជួន សាមឿន ភេទស្រីអាយុ ៦៧ឆ្នាំរស់នៅភូមិស្តៅកន្លែងឃុំដីឥដ្ឋ ស្រុកកៀនស្វាយខេត្ត កណ្តាល (អ្នកលេងផងនិងជាម្ចាស់ផ្ទះផង)។ ទី២-ឈ្មោះឡុង សុធី ភេទ ស្រី អាយុ ៤៨ឆ្នាំ រស់នៅ ភូមិស្តៅកន្លែងឃុំដីឥដ្ឋ(អ្នកលេងបៀរ ។
ក្រោយពីនគរបាលប៉ុស្តិ៍ បានធ្វើការអប់រំណែនាំពីច្បាប់ និងបានឲ្យធ្វើកិច្ចសន្យា ឲ្យពួកគាត់បញ្ឈប់ការលេងល្បែងស៊ីសងគ្រប់ប្រភេទ តទៅទៀត បើសិនមិនគោរពតាមកិច្ចសន្យាទេ នគរបាលប៉ុស្តិ៍ និងមានវិធានការទៅតាមផ្លូវច្បាប់ ។
ចំពោះអ្នកលេងផ្សេងទៀត ដែលបានរត់គេច ប៉ុស្តិ៍បានកំណត់យកឈ្មោះនិងបន្តហៅគាត់ទៅធ្វើកិច្ចសន្យានៅប៉ុស្តិ៍នាពេលខាងមុខបន្តទៀត៕ ដោយ ៖ ធីតា
ផ្តល់សិទ្ធិដោយ៖VD7News.com
