ខេត្តកំពង់ស្ពឺ ៖ ក្មេងប្រុសអាយុ១៤ឆ្នាំម្នាក់ ត្រូវបានម្តាយក្មេងស្រីអាយុ៤ឆ្នាំ ប្តឹងអោយនគរបាលចាប់ខ្លួនថា បសនចាប់កូនស្រីគាត់ រំលោភរហូតបានសម្រេច។ ហេតុការណ៍ឃាត់ក្មេងប្រុសអាយុ១៤ឆ្នាំខាងលើ កើតឡើងកាលពីវេលាម៉ោង ៤រសៀលថ្ងៃទី១១ខែកុម្ភៈឆ្នាំ២០១៧ នៅក្នុងភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
នគរបាលស្រុកភ្នំស្រួច បាននិយាយអោយដឹងថា បន្ទាប់ពីម្តាយក្មេងស្រីរងគ្រោះឈ្មោះ ក.វ.ន អាយុ27ឆ្នាំ មានទីលំនៅភូមិទី1 ឃុំត្រែងត្រយឹង ស្រុកភ្នំស្រួច បានមកប្ដឹងសមត្ថកិច្ចថា មានឈ្មោះ ស៊ុក រតនា ភេទប្រុស អាយុ14ឆ្នាំ មានទីលំនៅភូមិឃុំជាមួយគ្នា បានចាប់រំលោភសេពសន្ថវៈ កូនស្រីរបស់គាត់ឈ្មោះ ឈ.ម.ហ អាយុ04ឆ្នាំ នៅថ្ងៃទី10.02.2017 វេលាម៉ោង13:30នាទី នៅចំណុចលើផ្ទះរបស់ជនសង្ស័យ។
ក្រោយទទួលបានពាក្យបណ្តឹង សមត្ថកិច្ចបានហៅឈ្មោះ ស៊ុក រតនា មកសាកសួរ ខ្លួនក៏បានឆ្លើយសារភាពថា ខ្លួនពិតជាបានបបួល និងចាប់ដៃ កុមារីរងគ្រោះ ឡើងទៅលើផ្ទះរបស់ខ្លួន រួចចាប់រំលោភសេពសន្ថវៈ ប្រាកដមែន។ បច្ចុប្បន្នយុវជនខាងលើ ត្រូវបានឃំុខ្លួននៅស្នងការដ្ឋាន នគរបាលខេត្តកំពង់ស្ពឺ ដើម្បីចាត់ការបន្ត តាមផ្លូវច្បាប់៕ ដោយ សុវណ្ណវឌ្ឍនៈ
ផ្តល់សិទ្ធិដោយ៖VD7News.com
