ខេត្តក្រចេះ ៖ ស្ត្រីម្នាក់ ឈ្មោះ ថោង សុខុន អាយុ47ឆ្នាំ បានស្លាប់ភ្លាមៗ ដោយសារន្ទះបាញ់ នៅល្ងាចម៉ោង5:58នាទី ថ្ងៃទី23 ខែមេសា ឆ្នាំ2017 នៅភូមិ ព្រែកកូវ ឃុំបុសលាវ ស្រុកចិត្របុរី ខេត្តក្រចេះ។
ប្រភពពីរអ្នកជិតខាងបានអោយដឹងថា នៅថ្ងៃកើតហេតុមានភ្លៀង ខ្យល់ ផ្គរ រន្ទះ យ៉ាងខ្លាំង ខណះពេលនោះ ស្ត្រីជាជនរងគ្រោះ បាននាំកូនរត់ឡើង ទៅលើផ្ទះ ដោយអង្គុយផ្អែក ទៅនិងសសរ ភ្លាមៗនោះរន្ទះ បានបាញ់ចំសសរ ដែលស្ត្រីរងគ្រោះកំពុងតែអង្គុយផ្អែកនោះ តែម្តង បណ្តាលអោយស្ត្រីរងគ្រោះ ត្រូវរន្ទះបាញ់ចំដើមទ្រូង ស្លាប់ភ្លាមៗនៅនិងកន្លែង។
នៅព្រឹកថ្ងៃ24 មេសា 2017នោះដែរ សាខាកាកបាទក្រហមខេត្តក្រចេះ បានយកអំណោយទៅជូនគ្រួសារជនរងគ្រោះ រួមមាន ៖ អង្ករ60kg , មុង1 , ភួយ1 , ក្រម៉ា1 , សារ៉ុង1 , មី1កេះ , ត្រីខ 10កំប៉ុង និងថវិការ 20ម៉ឺនរៀល៕ ដោយ សារឿន
