ក្រោយកិច្ចប្រជុំកំពូលមួយដែលមានវត្តមាន លោកប្រធានាធិបតីអាមេរិក ដូណាល ត្រាំ និងសមាជិកព្រឹទ្ធសភាសរុបចំនួន ១រយនាក់ នៅទីក្រុងវ៉ាស៊ីនតោន បានលើកឡើងថា ប្រទេសមហាអំណាចមួយនេះបានលើកយកយុទ្ធសាស្ត្រថ្មីមួយទៀត ដើម្បីបង្ខំឲ្យមេដឹកនាំផ្ដាច់ការលោក គីម យុងអ៊ុន យល់ព្រមបញ្ឈប់ការអភិវឌ្ឍន៍កម្មវិធីនុយក្លេអ៊ែរ និងការបាញ់សាកល្បងមីស៊ីលរបស់ខ្លួនជាដើម។
បើតាមការចុះផ្សាយរបស់ BBC នាព្រឹកថ្ងៃទី២៧ ខែមេសា នៅមុននេះបន្តិចបានឲ្យដឹងថា លោក ត្រាំ បានប្រើយុទ្ធសាស្ត្រផ្ដាច់ទំនាក់ទំនងការទូត និងបញ្ជាឲ្យមេបញ្ជាការទ័ពដែលប្រចាំនៅតំបន់ប៉ាស៊ីហ្វិក ពន្លឿនការដំឡើងប្រព័ន្ធការពារមីស៊ីល THAAD នៅកូរ៉េខាងត្បូង ដោយអះអាងថា ប្រព័ន្ធនេះត្រូវតែដាក់ ដើម្បីការពារសន្តិភាពនៅកោះផេនីនស៊ូឡា (Peninsula) ពីការគំរាមកំហែងរបស់ទីក្រុងព្យុយ៉ាង។
សូមបញ្ជាក់ថា រដ្ឋមន្ត្រីការបរទេស លោក Rex Tillerson និងរដ្ឋលេខាធិការក្រសួងការពារជាតិ អាមេរិកលោក Jim Mattis បានគាំទ្រយ៉ាងពេញទំហឹងទៅលើយុទ្ធសាស្ត្ររបស់លោក ដូណាស់ត្រាំ ក្នុងភារកិច្ចការពារសម្ព័ន្ធមិត្តរបស់ខ្លួន។ ម្យ៉ាងទៀតអាមេរិកនូវមានការផែនការជាច្រើនផ្សេងទៀតក្នុងការដាក់សម្ពាធកូរ៉េខាងជើង ខណៈភាគីទីក្រុងព្យុងយ៉ាងមានគម្រោងធ្វើតេស្តមីស៊ីលថ្មីរបស់ខ្លួន៕
