តាមប្រភពមកពីប្រទេសអេស្ប៉ាញ បានបញ្ជាក់ថាមានកីឡាកររបស់ Real Madrid មួយចំនួន កំពុងតែបង្ហាញការធុញទ្រាន់ជាមួយកំពូលខ្សែប្រយុទ្ធ Cristiano Ronaldo ។
យោងតាមកាសែត Diario Gol មិត្តរួមក្រុមខ្លះៗរបស់កីឡាករសញ្ជាតិព័រទុយហ្គាល់ ជឿថាភាពល្អបំផុតរបស់គាត់បានកន្លងហួសទៅហើយៗពេលនេះ គាត់កំពុងធ្វើដែលប៉ះពាល់ដល់ក្រុមខ្លាំងជាងរឿងល្អៗក្នុងមួយរយៈកាលចុងក្រោយនេះ។ ប្រភពខាងលើបានបញ្ជាក់ថា មិត្តរួមក្រុមរបស់ Ronaldo មានអារម្មណ៍ថា ពួកគេអាចឈ្នះពានណាមួយដែលនៅសល់ ដោយគ្មានកីឡាករវ័យ៣២ឆ្នាំនៅក្នុងក្រុម ទោះបីជាគាត់រកគ្រាប់បាល់បាន៣១គ្រាប់ឲ្យ Real គ្រប់កម្មវិធីប្រកួតក្នុងរដូវកាលនេះរួចទៅហើយក៏ដោយ។
Isco, Luka Modric, Toni Kross, Alvaro Morata និង Gareth Bale ត្រូវបានគេដឹងថា បានបង្ហាញភាពមិនសប្បាយចិត្តជាមួយ CR7 ។ គេបានលឺ Bale និយាយថា ទីតាំងថ្មីរបស់ Ronaldo ដែលដាក់ឲ្យលេងក្នុងតំបន់ប្រយុទ្ធកណ្ដាល បានបង្ខំឲ្យគាត់សម្របសម្រួលទម្រង់លេងរបស់ខ្លួនដោយខ្លួនឯង ដែលនេះជាមូលហេតុធ្វើឲ្យទម្រង់លេងរបស់កីឡាករសញ្ជាតិ វែលធ្លាក់ចុះក្នុងរយៈកាលចុងក្រោយហើយឧស្សាហ៍របួសទៀត។
Ronaldo បានធ្វើឲ្យបាត់បង់ឱកាសច្រើនពេលលេងទល់នឹងគូប្រជែងពាន Barcelona ក្នុងជំនួប El Clasico កាលពីថ្ងៃអាទិត្យ ហើយបើគិតតាមស្ថិតិរបស់ Transfermarkt , ស្ដេចសមិនដែលចាញ់ស្ទើរគ្រប់ប្រកួត នៅពេលដែលកីឡាករវ័យ៣២ឆ្នាំ មិនបានចូលលេង។ ក្នុងចំណោមការប្រកួត១២ដង ដែល Ronaldo មិនបានចូលលេងក្នុងរដូវកាលនេះ Real Madrid ឈ្នះ១១ប្រកួត និងស្មើមួយប្រកួត។
តើអ្នកគិតថាថ្ងៃដ៏ល្អបំផុតរបស់ Ronaldo មកដល់ទីបញ្ចប់ហើយមែនទេ? Kqube ចង់ដឹងពីមតិយោបល់របស់ប្រិយមិត្តដោយអាចបញ្ចេញមតិខាងក្រោមៈ
ប្រភពៈ Soccerladuma, Diario Gol