ខេត្តកំពត ៖ ដោយមានពាក្យបណ្តឹងចូលមកកាន់ស្នងការដ្ឋាននគរបាលខេត្ត លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្ត បានបញ្ជារអោយលោក សេង សុគន្ធចាត អធិការស្រុកកំពង់ត្រាចធ្វើការស្រាវជ្រាវលំអិតយកចិត្តទុកដាក់ខ្ពស់ និងស៊ើបអង្កេតយ៉ាងច្បាស់លាស់និងកំណត់មុខសញ្ញានលើករណីពាក់ព័ន្ធបាត់ម៉ូតូចំនួន ០១គ្រឿង នៅក្នុងរោងចក្រ(ពូ ចិន)បើកថ្មី កាលពីថ្ងៃទី៣១ខែមិនាឆ្នាំ២០១៧ ដែលស្ថិតក្នុងភូមិកណ្តាលទួល ឃុំកំពង់ត្រាចខាងលិច ខេត្តកំពត។
រហូតមកដល់ថ្ងៃទី ០៤ ខែមេសា ឆ្នាំ២០១៧នេះ កម្លាំងជំនាញស្រុកកំណត់បានច្បាស់ឈានទៅចាប់ឃាត់ខ្លួនបានជនសង្ស័យម្នាក់ឈ្មោះ (ម៉ក់ ស្រីនាង) ភេទស្រី អាយុ ២៥ឆ្នាំ មុខរបរ កម្មករកាត់ដេនៅរោងចក្រ(ពូជិន)ខាងលើ មានទីលំនៅសព្វថ្ងៃភូមិទូកមាស ឃុំទូកមាសខាងលិច ស្រុកបន្ទាយមាស ខេត្តកំពត ។ តាមចម្លើយសារភាពរបស់ជនសង្ស័យថា ខ្លួនពិតជាបានលួចម៉ូតូមែន ហើយក្រោយមកបានយកទៅដាក់បញ្ចាំឲ្យគេចំនួន ៤០០ដុល្លារ នៅភូមិថ្កូវ ឃុំប្ញស្សីស្រុកខាងលិច ស្រុកកំពង់ត្រាច ខេត្តកំពត ។
បច្ចុប្បន្នជនសង្ស័យបានបញ្ជូនខ្លួនមកកាន់ស្នងការដ្ឋាននគរបាលខេត្តនៅល្ងាចថ្ងៃទី០៤ខែមិនាឆ្នាំ២០១៧ ដើម្បីកសាងសំណុំរឿងដើម្បីអនុវត្តតាមនីតិវិធីច្បាប់ ៕ ដោយ៖ ហង្ស សុភាព
