បរទេស: នាង Hyeonseo Lee ជាស្ត្រីភាគខ្លួនចេញពីកូរ៉េខាងជើង និងជាស្ត្រីដែលធ្លាប់បានឃើញការប្រហារជីវិតមនុស្សតាំងពីនាងមានអាយុ ៧ ឆ្នាំ បានអះអាងថា "ដង្ហើមចុងក្រោយ ឬនាទីចុងក្រោយរបស់មេដឹកនាំផ្តាច់ការនៅពេលដែលដឹងថាខ្លួនថាចាញ់ ឬបាត់បង់អំណាច ជនផ្តាច់ការលោក គីម ជុងអ៊ុន នឹងចុចអោយផ្ទុះ ឬបង្ហោះនុយក្លេអ៊ែរដោយផ្ទាល់ដៃ ដើម្បីប្រឆាំងនឹងសត្រូវរបស់លោក ហើយវាក៏អាចទៅរួចដែលថាករណីនេះនឹងកើតឡើងប្រសិនបើអាមេរិកពិតជាធ្វើសង្គ្រាមឈ្នះកូរ់ែខាងជើងមែននោះ"។
នាងបាននិយាយបន្តទៀតប្រាប់សារព័ត៌មាន MailOnline ថា:
នៅកូរ៉េខាងជើងមានពាក្យស្លោកមួយថា "អាមេរិកស្លាប់, ពួកយើងក៏ស្លាប់, ពួកយើងទាំងអស់គ្នាត្រូវស្លាប់ជាមួយគ្នា"។ ជនផ្តាច់ការរូបនេះនឹងសម្រេចបាញ់នុយក្លេអ៊ែរលើ កូរ៉េខាងត្បូង ជប៉ុន និងអាមេរិកជាដើម។ លោក គីម ជុងអ៊ុន គឺជាជនផ្តាច់ការ ដូច្នេះគ្មានផ្លូវណាដែលអាចបញ្ឈប់ជននេះបានឡើង ទោះបីយើងព្យាយាមយ៉ាងណាក៏ដោយ។
នាង Hyeonseo Lee ដែលមានអាយុ ៣៧ ឆ្នាំ បានបន្តទៀតថា ប្រជាជនកូរ៉េខាងជើងត្រូវបានគេបញ្ចុះបញ្ចូលឱ្យប្ដូរគំនិត និងឱ្យជឿការឃោសនារបស់របបមួយនេះ។ មនុស្សរាប់ពាន់នាក់ត្រូវបានគេបង្ខំឱ្យចូលរួមក្នុងក្បួនដង្ហែយោធា ពួកគេភ័យខ្លាច និងត្រូវគេហាមមិនឲ្យចាកចេញពីប្រទេសជាដាច់ខាត។
ទស្សនាការនិយាយរបស់នាងខាងក្រោមពីជីវិតរស់នៅក្នុងប្រទេសកូរ៉េ:
Source: dailymail