រាជធានីភ្នំពេញ៖ ក្រសួងធនធានទឹកបានអំពាវនាវកុំឱ្យប្រជាពលរដ្ឋយកដុំទឹកកក ដែលធ្លាក់មកជាមួយភ្លៀងកាលពីប៉ុន្មានថ្ងៃនេះទៅបរិភោគ ព្រោះដុំទឹកកកនោះ វាអាចប៉ះពាល់ដល់សុខភាព ដោយសារតែវាកើតឡើងដោយសារធាតុចម្រុះ ហើយចំពោះទឹកភ្លៀងនៅដើមរដូវវស្សាក៏អាចមានកម្រិតជាតិអាស៊ីដខ្ពស់ផងដែរ។ សូមបញ្ជាក់ផងដែរថា កាលពីថ្ងៃទី២៣ ខែមេសា ឆ្នាំ២០១៧កន្លងទៅនេះ នៅក្រុងបានលុង ខេត្តរតនគិរី មានករណីភ្លៀងកក់ខែធ្លាក់មកលាយឡំនិងព្រិល ឬដុំទឹកកកផងដែរ។
