ថ្មីៗនេះ ព្រឹត្តិការណ៍ដ៏ក្ដៅគគុករវាងការសាកល្បងមីស៊ីលរបស់កូរ៉េខាងជើង កំពុងតែធ្វើឲ្យមហាអំណាចក្នុងពិភពលោកក្ដៅក្រហាយ ពិសេសអាមេរិក និងរុស្សី ដែលសកម្មភាពនេះអាចបញ្ជាក់បានថា ពួកគេកំពុងដាស់សង្គ្រាមលោកលើកទី៣ឲ្យភ្ញាក់ឡើង។
រដ្ឋាភិបាលក្រុងព្យុងយ៉ាង ហាក់មិនបានបង្ហាញភាពកោតខ្លាចណាមួយទៅនឹងការគំរាមកំហែងរបស់មហាអំណាចទាំងនេះនោះទេ ដោយពួកគេនៅតែផ្គើនគឺសាកល្បងមីស៊ីលរបស់ខ្លួនដដែល តែយ៉ាងការសាកល្បងនេះមិនទទួលបានជោគជ័យនោះទេ។
រឿងរ៉ាវសាកល្បងមីស៊ីលរបស់កូរ៉េខាងជើងនេះ គឺរឿងថ្មីបំផុតតែបើក្រឡេកទៅកាន់អតីតកាលវិញ អាមេរិកនិងរុស្សី ធ្លាប់បានសាកល្បងបាញ់មីស៊ីលបានទទួលជោគជ័យរួចទៅហើយ ទាំងដែលគេដឹងថា វាជាមីស៊ីលធំបំផុត និងមានឥទ្ធិពលខ្លាំងបំផុត។
ខាងក្រោមនេះជាការសាកល្បងមីស៊ីលប្រាំប្រភេទរបស់រុស្សីនិងអាមេរិកដែលធ្លាប់ធ្វើ៖
១- Tsar Bomba (រុស្សី)
Tsar Bomba គឺជាមីស៊ីលធំ ទំនើប ខ្លាំងបំផុតរបស់រុស្សី និងពិភពលោកដែលវាជាប្រភេទ គ្រាប់បែកអ៊ីដ្រូហ្សែន មានកម្លាំងផ្ទុះស្មើនឹងម្សៅ TNT ៥០មេហ្គាតោន។ រុស្សីបានសាកល្បងជោគជ័យកាលពីថ្ងៃទី៣០តុលាឆ្នាំ ១៩៦១នៅឈូងសមុទ្រ Mityushikha Bay ។
២- B41/Mk-41 (សហរដ្ឋអាមេរិក)
វាជាប្រភេទគ្រាប់បែកនុយក្លេអ៊ែរ មានកម្លាំងផ្ទុះស្មើនឹងម្សៅTNT ២៥មេហ្គាតោន។ អាមេរិកបានសាកល្បងជោគជ័យនៅខែឧសភាឆ្នាំ ១៩៥៦នៅកោះ Bikini Atoll ។
៣- TX-21 "Shrimp ( សហរដ្ឋអាមេរិក)
TX-21 "Shrimp ជាប្រភេទគ្រាប់បែកអ៊ីដ្រូហ្សែន មានកម្លាំងផ្ទះស្មើនឹងម្សៅ TNT 15 មេហ្គាតោន ដែលអាមរិកបានសាកល្បងដោយជោគជ័យនៅកោះ Bikini Atoll ថ្ងៃទី១មីនាឆ្នាំ ១៩៥៤។
៤- Mk-17/EC-17 ( សហរដ្ឋអាមេរិក)
ជាប្រភេទគ្រាប់បែកអ៊ីដ្រូហ្សែនម្យ៉ាងទៀតដែលមានកម្លាំងផ្ទុះស្មើនឹងម្សៅTNT ចាប់ពី១០ទៅ១៥មេហ្គាតោន ដែលអាមេរិកសាកល្បងជោគជ័យនៅខែមីនាឆ្នាំ១៩៥៤ នៅកោះ Bikini Atoll។
៥- MK 24/B-24 Mk-17/EC-17 ( សហរដ្ឋអាមេរិក)
វាជាប្រភេទគ្រាប់បែកអ៊ីដ្រូហ្សែន មានកម្លាំងផ្ទុះស្មើនឹងម្សៅ TNT ចាប់ពី១០ទៅ១៥មេហ្គាតោនប៉ុន្តែមិនដឹងថាអាមេរិកសាកល្បងនៅថ្ងៃខែឆ្នាំណានោះទេ៕
