រដ្ឋាភិបាលទីក្រុងសេអ៊ូលបាននិយាយថា កូរ៉េខាងជើងទើបបានបាញ់សាកល្បងមីស៊ីលមួយគ្រាប់ទៀត ដែលមានចម្ងាយប្រមាណជា ៤៥០គីឡូម៉ែត្រ បាញ់ចេញពីទីក្រុង វ៉ុនសាន (Wonsan) ទៅកាន់តំបន់មួយនៃសមុទ្រជប៉ុន។ នេះបើយោងតាមការចុះផ្សាយដោយទីភ្នាក់ងារសារព័ត៌មាន Yonhap នាព្រឹកថ្ងៃចន្ទ ទី២៩ ខែឧសភា ឆ្នាំ២០១៧។
បើតាមប្រភពដដែលបានអះអាងទៀតថា ក្រោយពីមានការគំរាមដាក់ទណ្ឌកម្មទីលើទីក្រុងព្យុងយ៉ាង ពីសំណាក់សហរដ្ឋអាមេរិក ជប៉ុន និងកូរ៉េខាងត្បូង ចំពោះអភិវឌ្ឍន៍កម្មវិធីនុយក្លេអ៊ែរ និងការប្រើអំណាចផ្ដាច់ការគំរាមកំហែងដល់សន្តិសុខប្រទេសជិតខាងនោះ ត្រូវបានមេដឹកនាំលោក គីម យុងអ៊ុន ធ្វើជាមិនអើពើ ឬកោតខ្លាចឡើយ។
ដោយលែកកាលពីល្ងាចម្សិលមិញនេះ រដ្ឋាភិបាលកូរ៉េខាងត្បូងបានប្រាប់ឲ្យដឹងតាមរយៈព័ត៌មានរដ្ឋថា ទីក្រុងព្យុងយ៉ាងចាប់ផ្ដើមបង្កហេតុទៀតហើយ ដោយបានបាញ់មីស៊ីលរយៈចម្ងាយខ្លីឈ្មោះ Scud ចេញពីតំបន់ឆ្នេរខាងកើតរបស់ខ្លួន ឆ្ពោះទៅកាន់សមុទ្រជប៉ុន ហើយវាមានហោះក្នុងចម្ងាយប្រមាណជា ៤៥០គីឡូម៉ែត្រតែប៉ុណ្ណោះ។
ទាក់ទិនទៅនឹងបញ្ហានេះ រដ្ឋមន្ត្រីទីស្តីជប៉ុន លោក Yoshihide Suga ក៏បានលើកឡើងផងដែរថា "កូរ៉េខាងជើងបានបំពានទៅនឹងសេចក្ដីសម្រេចរបស់ក្រុមប្រឹក្សាសន្តិសុខ អង្គការសហប្រជាជាតិ (UN) ជាច្រើនសារទៅហើយ ដែលធ្វើឲ្យជប៉ុនពិតជាមិនអាច អត់ទ្រាំបាន នូវទង្វើដ៏ផ្គើននេះឡើយ ខណៈដែលរដ្ឋមន្ត្រីការពារជាតិ កំពុងចាត់វិធានកាលឆ្លើយតប"៕
