ប៉ូលិសប្រទេសប្រេស៊ីលបានធ្វើការចាប់ខ្លួនអ្នកជួញដូរគ្រឿងញៀនប្រហែល ៤០នាក់ នៅកណ្ដាលទីក្រុង សៅប៉ូឡូ (Sao Paulo) ដែលជាតំបន់សំបូរទៅដោយអ្នកចែកចាយ និងអ្នកប្រើប្រាស់ថ្នាំញៀនជាច្រើនឆ្នាំមកហើយ។ បើយោងតាមគេហទំព័រសារព័ត៌មាន BBC បានចុះផ្សាយនាព្រឹកថ្ងៃច័ន្ទ ទី២២ ខែឧសភា ឆ្នាំ២០១៧។
មន្ត្រីប៉ូលិសប្រដាប់អាវុធប្រហែលជា ៥០០នាក់បានចុះប្រតិបត្តិការបង្ក្រាបអ្នកចែកចាយ និងអ្នកប្រើប្រាស់គ្រឿងញៀនរាប់សិបនាក់ នៅតាមដងផ្លូវនៅក្បែរស្ថានីយរថភ្លើងលូស ដែលជាទីផ្សារថ្នាំញៀនធំជាងគេក្នុងប្រទេសប្រេស៊ីល មានរយះកាលមួយទសវត្សរ៍កន្លងមកហើយ។
គួរបញ្ជាក់ផងដែរថា អភិបាលទីក្រុង សៅប៉ូឡូ លោក Geraldo Alckmin បាននិយាយថាមណ្ឌលកែប្រែរបស់រដ្ឋមានចំនួន ៣០០០កន្លែងដែលអាចប្រើសម្រាប់ព្យាបាលអ្នកប្រើប្រាស់ថ្នាំញៀនជាច្រើនរយនាក់បាន៕
