គូឡាឡាំពួរ៖ សារព័ត៌មាន Channel News Asia នៅយប់ថ្ងៃសៅរ៍ ទី២៩ ខែមេសា ឆ្នាំ២០១៧ អោយដឹងថា៖ លោកយាយ Puan Ahman អាយុ១២១ឆ្នាំ បានទទួលមរណភាពក្នុងផ្ទះចៅស្រីបង្កើត ស្ថិតនៅទីក្រុង Kodiang នាថ្ងៃសុក្រម្សិលមិញនេះ។នៅទូទាំងប្រទេសម៉ាឡេស៊ីលោកយាយជាមនុស្សមានវ័យចំណាស់ជាងគេបង្អស់ ហើយលោកយាយជាមនុស្សអានយុវែងជាងគេនៅលើពិភពលោកយើងនេះ។
លោកយាយ Puan បានស្លាប់នៅវេលាម៉ោង១ម៉៣០នាទីរសៀលថ្ងៃសុក្រ សប្តាហ៍នេះ បន្ទាប់ពីមិនស្រួលខ្លួនអស់រយៈពេល មួយសប្តាហ៍ ថិតក្នុងសុភាពមិនល្អ កូនៗនិងចៅៗទាំងអស់បានមកជួបជុំគ្នា។ ចំណែកកូនស្រីពៅរបស់លោកយាយ Puan អាយុ៦៧ឆ្នាំ បានបញ្ជាក់ថាម្តាយរបស់លោកស្រី អាចនៅនិយាយស្តី ទទួលតានអាហារ ជាធម្មតារហូតដល់ព្រឹកព្រលឹម ថ្ងៃដដែល។
គេកត់សំគាល់ថា លោកយាយ Puan Ahman ស្លាប់ក្នុងវ័យ១២១ឆ្នាំ គឺមានអាយុច្រើនជាង លោកយាយម្នាក់ទៀត ជាជនជាតិអ៊ីតាលីឈ្មោះ Emma Morano ដែលបានទទួលមរណភាពកាលពីថ្ងៃទី១៦ ខែមេសា ឆ្នាំ២០១៧នេះ ក្នុងអាយុ១១៧ឆ្នាំ បើយោងសេចក្តីរាយការណ៍ជាច្រើន ដែលបានផ្សព្វផ្សាយ លោកយាយ Puan Ahman គឺមានអាយុវែងជាងគេនៅក្នុងប្រទេសម៉ាឡេសុី និងលើពិភពលោកយើងនេះ៕ ដោយ សា វឿន
