ប្រធានាធិបតី ហ្វីលីពីន ស្នើដល់ក្រុមឧទ្ទាមកុម្មុយនិស្ត និងក្រុមម៉ៅនិយម ឲ្យចូលរួមជាមួយទាហាន ហ្វីលីពីន ក្នុងសង្គ្រាមប្រឆាំងក្រុម អាប៊ូសាយ៉ាហ្វ និងក្រុម ម៉ាអ៊ូដ ដែលជាក្រុមជ្រុលនិយមមានសម្ពន្ធភាពជាមួយក្រុម ISIS ដោយលោកប្រធានាធិបតីសន្យាថា នឹងដាក់បញ្ចូលក្រុមឧទ្ទាមស្មគ្រចិត្តទៅក្នុងអង្គភាពពិសេស ដែលបង្កើតឡើងក្នុងពេលឆាប់ៗ ។
ចំណែក្រុមឧទ្ទាមកុម្មុយនិស្ត និងក្រុមម៉ៅនិយម បញ្ជាក់ថា ពួកគេប្រឆាំងនឹងក្រុម ISIS ប៉ុន្តែនៅមិនទាន់យល់ព្រមចូលរួមជាមួយទាហានរដ្ឋាភិបាលនៅឡើយ ទោះជាប្រធានាធិបតីសន្យាផ្ដល់ប្រាក់ខែដូចទាហានរដ្ឋាភិបាល និងផ្ដល់ផ្ទះមួយខ្នងសម្រាប់សមាជិកឧទ្ទាមម្នាក់យ៉ាងណាក៏ដោយ ។
ទោះយ៉ាងណា ក្រុមរណសិរ្សរំដោះជាតិម៉ូរ៉ូ ទំនងជាយល់ព្រមចូលរួមមុនគេ តាមការអំពាវនាវរបស់ប្រធានាធិបតី ដោយមេដឹកនាំក្រុមនេះបានស្ម័គ្រចិត្តបញ្ជូនកងកម្លាំងរបស់ខ្លួនមួយចំនួនឲ្យចូលរួមក្នុងប្រតិបត្តិការរំដោះទីក្រុង ម៉ារ៉ាវី ដែលស្ថិតក្រោមការឡោមព័ទ្ធរបស់ជីវពល ISIS ។
ប្រភពៈ reuters