លោកអនុនាវីឯក Magnus Heng និងកងទ័ពជើងទឹកសហរដ្ឋអាមេរិកជាច្រើនរូបទៀត នឹងចាកចេញពីប្រទេសកម្ពុជា បន្ទាប់ពីបានបំពេញភារកិច្ចចប់ជាមួយក្រុមសំណង់ចល័តរបស់កងទ័ពជើងទឹកសហរដ្ឋអាមេរិក ដែលមានឈ្មោះថា Seabees ។
លោក Magnus មានមោទនភាពក្នុងនាមជាជនជាតិអាមេរិកមានដើមកំណើតខ្មែរម្នាក់។ លោកបានកើតនៅទីក្រុង Lowell នៃរដ្ឋ Massachusetts ហើយបានរស់នៅក្នុងរដ្ឋ California។ នៅក្នុងអំឡុងពេលបំពេញការងារនៅកម្ពុជា លោក Magnus និងក្រុម Seabees បានកសាងកន្លែងសម្ភព បន្ទប់ទឹកនិងបង្គន់នៅតាមសាលារដ្ឋ និងនៅក្នុងគម្រោងផ្ដល់ជំនួយមនុស្សធម៌ដទៃទៀត។
លោក Magnus ថែមទាំងបានរៀនភាសាខ្មែរ ចូលរួមនៅក្នុងពិធីមង្គលការតាមប្រពៃណី និងរៀនច្រើនទៀតពីបេតិកភណ្ឌវប្បធម៌របស់លោក។ តោះ ចង់ដឹងថា លោក Magnus មានចំណាប់អ្វីខ្លះពីកម្ពុជានៅក្នុងរយៈពេលដែលលោកបានបំពេញការសប្បុរសធម៌មួយជូនពលរដ្ឋខ្មែរ៖
