ភ្នាក់ងាររបស់ Paul Pogba លោក Mino Raiola ទទួលបានប្រាក់ចំណូលមិនក្រោមជាង៤១លានផោន (៥៣លានដុល្លារ) នោះទេ បន្ទាប់ពីបញ្ចប់កិច្ចព្រមព្រៀងផ្ទេរកីឡាកររូបនេះពី Juventus មក Man Utd ក្នុងតម្លៃបំបែកកំណត់ត្រាពិភពលោកកាលពីដើមរដូវកាលកន្លងមក។
យោងតាមរបាយការណ៍ពី Mirror បានឲ្យដឹងថា ភ្នាក់ងារដោះដូរកីឡាករលោក Mino Raiola រកប្រាក់ចំណូលសម្រាប់ខ្លួនឯងមិនតិចជាង៤១លានផោននោះទេបន្ទាប់ពីបញ្ចប់ការផ្ទេរ Paul Pogba មកកាន់ Old Trafford ក្នុងតម្លៃបំបែកកំណត់ត្រាពិភពលោកសម្រេចជាផ្លូវការរួចមក ហើយក្នុងនោះកំពូលភ្នាក់ងាររូបនេះក៏ទទួលបានជាង២៣លានផោន (២៩លានដុល្លារ) ផងដែរពីតម្លៃខ្លួនពិត៨៩លានផោនរបស់ខ្សែបម្រើសញ្ជាតិបារាំងខាងលើ។
គួររំលឹកផងដែរថា ក្រៅពី Pogba លោក Mino Raiola ក៏ជាភ្នាក់ងាររបស់កីឡាករល្បីៗមួយចំនួនផ្សេងទៀតផងដែរ ក្នុងនោះរួមមាន Zlatan Ibrahimovic និង Mario Balotelli ជាដើម៕
ប្រភព៖ Mirror
