ក្រុមឈុតធំនារី U-15 ជម្រើសជាតិកម្ពុជាបានយកឈ្នះជើងខ្លាំងនារីក្រោមអាយុ១៥ឆ្នាំសិង្ហបុរី២ទល់នឹង១ក្នុងការប្រកួតព្រឹត្តិការណ៍ AFF U15 GIRLS' CHAMPIONSHIP 2017 ដែលទើបបញ្ចប់អម្បាញ់មិញនេះ។
២គ្រាប់ជ័យជម្នះសម្រាប់ប្រកួតដំបូងរបស់កម្ពុជាគឺជាការស៊ុតបញ្ចូលទីដោយកីឡាការិនី ពេជ យូឈុនអ៊ី ក្នុងនាទីទី៣០ និងមួយគ្រាប់ទៀតធ្វើបានដោយ កយ មួយកញ្ញានៅនាទីទី៧៩ ចំណែកឯ១គ្រាប់របស់សិង្ហបុរីវិញរកបានក្នុងនាទីទី៧១ស៊ុតដោយ Putri Nur Syaliza។
សូមបញ្ជាក់ដែរថា សម្រាប់ប្រកួតទី២បន្ទាប់ ក្រុមនារីក្រោមអាយុ១៥ឆ្នាំកម្ពុជានឹងត្រូវជួបជាមួយក្រុមនារីក្រោមអាយុ១៥ឆ្នាំហ្វីលីពីននៅថ្ងៃទី១១ខាងមុខនេះ៕
