បន្ទាប់ពីបាត់មុខជាច្រើនប្រកួតដោយសាររបួសជង្គង់យ៉ាងធ្ងន់ធ្ងរកន្លងមក ឥឡូវនេះខ្សែប្រយុទ្ធចាស់វស្សា Zlatan Ibrahimovic បានបញ្ជាក់ថារូបគេអាចចូលកាន់ទីលានបានវិញហើយ។
យ៉ាងណាមិញ ទន្ទឹមនឹងការប្រកាសថានឹងអាចចូលលេងបានវិញនេះ Zlatan Ibrahimovic បានបង្ហោះវីដេអូមួយនៅលើគណនី Instagram របស់ខ្លួនបង្ហាញពីការប្រឹងហ្វឹកហាត់ដើរក្នុងអាងទឹកអមជាមួយនឹងពាក្យសរសេរថា "ត្រៀមខ្លួនរួចជាស្រេចសម្រាប់វគ្គផ្ដាច់ព្រ័ត្រ" មានន័យថារូបគេនឹងជាសះស្បើយទាន់ពេលដើម្បីជួយក្រុមលេងទល់នឹង Ajax វគ្គផ្ដាច់ព្រ័ត្រ Europa League នៅសប្ដាហ៍ក្រោយ។
សូមបញ្ជាក់ផងដែរថា ជំនួបវគ្គផ្ដាច់ព្រ័ត្រ Europa League រវាង Manchester United និង Ajax នឹងត្រូវកាត់សេចក្ដីរកចាញ់ឈ្នះនៅថ្ងៃទី២៥ខាងមុខនេះ៕
ប្រភព៖ Metro