លោក Neymar Snr ឪពុកបង្កើតរបស់ខ្សែប្រយុទ្ធឆ្នើម Neymar កំពុងតែជំរុញឲ្យកូនប្រុសរបស់ខ្លួនចាកចេញពី Barcelona ហើយទៅលេងនៅលីគកំពូលអង់គ្លេស Premier League វិញ។
យោងតាមរបាយការណ៍ពីប្រភពព័ត៌មានអេស្ប៉ាញ Diario Gol បានឲ្យដឹងថា លោក Neymar Snr ឪពុករបស់ Neymar កំពុងតែជំរុញឲ្យកូនប្រុសរបស់ខ្លួនចាកចេញពី Barcelona ដើម្បីផ្លាស់ទៅលេងនៅ Premier League វិញ ដោយក្នុងនោះរូបលោកក៏បានជ្រើសរើស Manchester United ជាក្លឹបតែមួយគត់ដែលល្អបំផុតសម្រាប់ Neymar ចុះកុងត្រាលេងជាមួយ។
យ៉ាងណាមិញ ការមិនចង់ឲ្យ Neymar បន្តនៅ Camp Nou នេះគឺអាចបណ្ដាលមកពីបញ្ហាផ្ទៃក្នុងមួយចំនួនរវាងក្លឹបនិងកូនប្រុសរបស់លោកទាក់ទងនឹងតម្លៃខ្លួនក្រោយផ្ទេរពី Santos មក Barcelona កាលពីឆ្នាំ២០១៣ ធ្វើឲ្យមានមន្ទិលសង្ស័យរហូតឡើងដល់តុលាការទៀតផង៕
ប្រភព៖ Metro