នាយករដ្ឋមន្ត្រីជប៉ុន លោក អាបេ បានលើកឡើងក្នុងកិច្ចប្រជុំមួយកាលពីថ្ងៃចន្ទ ម្សិលមិញថា បំណងប្រាថ្នាចម្បងរបស់លោក គឺជំរុញឲ្យសហរដ្ឋអាមេរិកសហការគ្នាសារឡើងវិញទៅលើវិស័យពាណិជ្ជកម្មនៅតំបន់ ប៉ាស៊ីហ្វិក (TPP) ដោយសង្កត់ធ្ងន់ថា ជប៉ុនសង្ឃឹមថាអាមេរិកនឹងចូលរួមជាថ្មី ក្នុងនាមជាសមាជិក ដៃគូពាណិជ្ជកម្មអន្តរជាតិ។
លោកនាយករដ្ឋមន្ត្រីខាងលើនិយាយថា "នៅទីបំផុតយើងបានឈានដល់កិច្ចព្រមព្រៀងស្ដីពី វិធានការធ្វើពាណិជ្ជកម្មដោយសេរី យើងសង្ឃឹមថាភាគីសមាជិកទាំងអស់នឹងយល់ព្រម អនុវត្តន៍ទៅតាមក្របខ័ណ្ឌ ដែលបានតាក់តែងឡើងនាពេលកន្លងមក។ ជាអកុសលអាមេរិកបានប្រកាស ដកខ្លួនចេញពីសមាជិកតំបន់ ប៉ាស៊ីហ្វិក ប៉ុន្តែយ៉ាងណាក៏ដោយ យើងនៅតែជំរុញឲ្យប្រទេសមហាអំណាចមួយនេះវិលត្រឡប់មកវិញ"។
ជាចុងក្រោយលោកបានបញ្ចប់ថា សន្ទុះសេដ្ឋកិច្ចនៅតំបន់ ប៉ាស៊ីហ្វិក មិនគួរនឹងបាត់បង់ឡើយ យើងបានបើកទ្វាររង់ចាំរដ្ឋាភិបាលអាមេរិក ក្នុងការចូលរួមធ្វើពាណិជ្ជកម្មជាថ្មី។ យ៉ាងណាមិញ សមាជិកដែលនៅសល់ចំនួន ១១ប្រទេស យើងនឹងពិចារណាឲ្យប្រទេសណាមួយធ្វើជា ប្រធានបន្ទាប់ពីការចាកចេញរបស់អាមេរិក ដែលជាសមាជិកមួយរូបដ៏សំខាន់របស់ TPP៕
ប្រភព៖ cnbc
