Windsor John អគ្គលេខាធិការសហព័ន្ធបាល់ទាត់ AFC បាននិយាយកាលពីថ្ងៃព្រហស្បតិ៍ថា នឹងគ្មានការបង្កើតពានរង្វាន់ ASEAN Super League តាកការគ្រោងទុកនោះទេ។
អស់ជាច្រើនឆ្នាំមកហើយមាន សហព័ន្ធបាល់ទាត់មួយចំនួន ក្នុងអាស៊ានបានគ្រោងបង្កើត និងប្រមូលផ្ដុំគំនិតគ្នាបង្កើតពានរង្វាន់ដែលមានក្លឹបកំពូលៗនៅអាស៊ាន ធ្វើការប្រកួតដើម្បីបង្កើនស្តង់ដារបាល់ទាត់ក្នុងតំបន់។ បែបណាក្ដី! John បាននិយាយក្នុងសន្និសីទកាសែតរវាង AFC និងសហព័ន្ធបាល់ទាត់សិង្ហបុរីបានប្រកាសថា ព្រឹត្តិការណ៍នេះនឹងមិនកើតឡើងទេ។
អគ្គលេខាធិការរូបនេះបាននិយាយក្នុងកាសែត The News Paper ថា៖"ពួកគេបានសរសេរជាលាយលក្ខណ៍អក្សរ ថាពួកគេនឹងមិនបង្កើត ពាន ASEAN Super League នោះទេ។ ការពិភាក្សាក្នុងបង្កើតពាន ASL នេះចាប់តាំងពីមួយទសវត្សរ៍មុនម្ល៉េះ ត្រូវបានពន្យារពេលរហូតហើយនៅឆ្នាំ ២០១៨នេះមានព័ត៌មានថានឹងបង្កើតការប្រកួត។
តែយ៉ាងណា AFC មិនបានបើកភ្លើងខៀវសម្រាប់ពាន ASL នេះទេ ខណៈអ្នករៀបចំមិនអាចជឿជាក់ថា ព្រឹត្តិការណ៍នេះនឹងស្ថិតនៅក្រោមការគ្រប់គ្រង់របស់សហព័ន្ធបាល់ទាត់ AFC៕
