និស្សិតជនជាតិអាមេរិកមួយរូប បានបាត់បង់ជីវិត បន្ទាប់ពីជាប់ខ្លួននៅកូរ៉េខាងជើងអស់រយៈពេលជាង ១៥ខែ ដែលត្រូវបានដោះលែងមកវិញកាលពីថ្ងៃអង្គារសប្ដាហ៍មុន។ នេះបើយោងតាមការចុះផ្សាយរបស់សារព័ត៌មាន BBC នៅព្រឹកថ្ងៃអង្គារ ទី២០ ខែមិថុនា ឆ្នាំ២០១៧។
និស្សិតអាមេរិកម្នាក់ឈ្មោះ Otto Warmbier អាយុ ២២ឆ្នាំ ត្រូវបានស្លាប់ បន្ទាប់ពីរដ្ឋាភិបាលទីក្រុងព្យុងយ៉ាងធ្វើមាតុភូមិនិវត្តន៍ ដោយអះអាងថា បុរសម្នាក់នេះមានជម្ងឺនៅក្នុងខ្លួន ជាហេតុធ្វើឲ្យសន្លប់បាត់បង់ស្មារតី ប៉ុន្តែក្រុមគ្រូពេទ្យជំនាញអាមេរិកបានឲ្យដឹងថា សាកសពគឺមានលក្ខណជាំក្នុង ដូចត្រូវគេវាយដំយ៉ាងធ្ងន់ធ្ងរ។
