សិល្បៈ ៖ ក្រោយពីបែកផ្លូវជាមួយអតីតស្វាមីមក តារាចម្រៀងកញ្ញា សាន ស្រីឡៃ ធ្លាប់បានបង្ហើបថា នាងមានអ្នកស្រឡាញ់ច្រើន ប៉ុន្តែនាងមិនទាន់គិតគួររឿងស្នេហាទេ ព្រោះរឿងបែកបាក់គ្រួសារមិនទាន់បាត់ការឈឺចាប់នៅឡើយ។ ទើបតែនៅពេលនេះនាងបានបង្ហាញរូបថតផ្អែមល្ហែមជាមួយលោក បញ្ញាសិទ្ធ រួមជាមួយពាក្យពេចន៍ស្នេហ៍ស៊ីជម្រៅជាច្រើនឃ្លាធ្វើឲ្យផ្អើលពេញហ្វេសប៊ុក។
សម្រាប់ទំនាក់ទំនងស្នេហារវាង សាន ស្រីឡៃ ជាមួយលោក បញ្ញាសិទ្ធ មិនដែលមានអ្នកណាម្នាក់បានដឹងទេ ព្រោះអ្នកទាំងពីរមិនដែលបានបង្ហាញភាពស្និទ្ធស្នាល ឬក៏បណ្ដើរគ្នាចូលរួមក្នុងកម្មវិធីសិល្បៈណាមួយគួរឲ្យកត់សម្គាល់ឡើយ ដូច្នេះហើយនៅពេលតារាស្រីរូបនេះ ទម្លាយចេញរូបថត និងសារស្នេហាស៊ីជម្រៅនៅលើហ្វេសប៊ុករបស់ខ្លួនជាសាធារណៈទើបធ្វើឲ្យមានការចាប់អារម្មណ៍ រហូតមានអ្នកខ្លះបាននិយាយថា នាងពិតជាពូកែលាក់រឿងស្នេហាមួយនេះខ្លាំងណាស់។
នេះគឺជាសាររបស់ សាន ស្រីឡៃ ដែល Kqube.net ចំលងមកទាំងស្រុង "ជានិស្ស័យដឹកដៃអោយអូនស្គាល់បង ជានិស្ស័យបណ្ដាលអោយយើងស្រលាញ់គ្នា សែនកក់ក្ដៅពេលនៅក្បែរទ្រូងបង សន្យាបានទេថាមិនទៅណាចោលអូន ណា ណាbb” ។ ទោះយ៉ាងណាភ្លាមៗនេះយើងមិនទាន់ទទួលបានសម្ដីបញ្ជាក់បន្ថែមជុំវិញការបញ្ចេញរូបថត និងសារស្នេហាល្អូកល្អិននេះនៅឡើយ៕
