រាជធានីភ្នំពេញ៖ ឧកញ៉ាចិត្តធម៌ ស្រី ចាន់ថន នៅថ្ងៃទី២២ ខែមិថុនា នេះ បាននាំយកអំណោយនិងថវិកាជូនដល់ក្រុមគ្រួសារទារកអភព្វ ឈ្មោះ ជីវ លីហៀ ដែលរងគ្រោះថ្នាក់ចរាចរណ៍ទាំងខ្លួននៅខ្លួនក្មេងខ្ចីជាមួយឪពុកម្តាយ កាលពីឆ្នាំមុន ដែលធ្វើឲ្យមានតក់ស្លុតអស់ទាំងគ្រួសារ។
អំណោយរបស់លោកឧកញ៉ាម្ចាស់ក្រុមហ៊ុន Jet Group រូបនេះ ដែលបាននាំយក គ្រួសារកុមារកម្សត់មានម្តាយឈ្មោះ តឹក សេងម៉ាឡា សព្វថ្ងៃរស់នៅ ភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រួមមាន អង្កមួយបាវ ទឹកត្រី ១២ដប ទឹកស៊ីអ៊ីវ ១២ ដប ស្កសរ ២ គីឡូ អំបិល ២គីឡូ ប៊ីចេង ១គីឡូ ទឹកសុទ្ធ ៥យួរ មីមួយកេះ ត្រីខ ២យួរ ខ្លាញ់ ១២ដប ថវិកា ៥០ម៉ឺនរៀល និងសម្ភារៈក្មេងលេង ជាច្រើនទៀតផងដែរ។
សូមបញ្ជាក់ថា កាល មួយឆ្នាំមុនទារកម្នាក់នេះបានជួបគ្រោះថ្នាក់ចរាចរណ៍ពេលកំពុងធ្វើដំណើរជាមួយឪពុកម្តាយ ដោយសាររថយន្តបើកវ៉ាមកបុកក្នុងស្ថានភាពបញ្ច្រាសទិសគ្នា រួចក៏គេចខ្លួនបាត់ ដោយបន្សល់ទុកត្រឹមសោកវិនាសកម្មដ៏រន្ធត់សម្រាប់ក្រុមគ្រួសារកម្សត់មួយនេះ។
