រដ្ឋមន្ត្រីជាន់ខ្ពស់របស់ប្រទេសរុស្ស៊ីមួយរូប កាលពីម្សិលមិញបានថ្លែងទៅកាន់គណៈរដ្ឋមន្រ្តីការពារជាតិមកពី ៣៩ប្រទេស ក្នុងក៏មានការចូលរួមពីសំណាក់រដ្ឋមន្ត្រីក្រសួងការពារជាតិអាមេរិកផងដែរ ដោយនិយាយថា មហិច្ឆតានុយក្លេអ៊ែររបស់ កូរ៉េខាងជើង អាចនឹងគំរាមកំហែងដល់ទីក្រុងមូស្គូ នៅពេលអនាគត។
ក្នុងអំឡុងពេលសន្និសីទសន្តិសុខអន្តរជាតិមួយឈ្មោះ Shangri-La Dialogue នៅប្រទេសសិង្ហបុរី
អនុរដ្ឋមន្ត្រីការពារជាតិ រុស្ស៊ី លោក Alexander Fomin បានគូសបញ្ជាក់ថា អាវុធនុយក្លេអ៊ែររបស់ទីក្រុងព្យុងយ៉ាង មិនត្រឹមតែធ្វើការគំរាមកំហែងនៅលើឧបទ្វីបកូរ៉េ ប៉ុណ្ណោះទេ វាអាចនឹងផ្គើនដាក់ទីក្រុងមូស្គូផងដែរ។
ស្របគ្នានោះដែរ រដ្ឋមន្ត្រីរូបនេះ បានលើកឡើងទៀតថា រដ្ឋាភិបាលរុស្ស៊ីមានគោលជំហរគាំទ្រដល់ការដាក់ទណ្ឌកម្មថ្មីនានា ទៅលើសេដ្ឋកិច្ចកូរ៉េខាងជើង ដើម្បីមេដឹកនាំ លោក គីម យុងអ៊ុន បោះបង់ចោលនូវកម្មវិធីនុយក្លេអ៊ែររបស់ខ្លួន ហើយងាកមកចរចាគ្នាស្វែងរកសន្តិភាពឡើងវិញ។