Jose Moutinho បានខលទៅ Alvaro Morata ចំនួន២ដងដើម្បីអន្ទងកីឡាកររូបនេះឲ្យចាកចេញពី Real Madrid ប្ដូរទៅលេងនៅ Manchester United ក្នុងរដូវក្ដៅនេះ ដោយគ្រូបង្វឹកសញ្ជាតិព័រទុយហ្គាល់ប្រើត្រឹម ពាក្យសន្យា៦ម៉ាត់ប៉ុណ្ណោះ។
ខ្សែប្រយុទ្ធជម្រើសជាតិអេស្ប៉ាញ នឹងត្រូវបានគេដឹងថាក្លាយជាកីឡាកររបស់ Man Utd ពេញលេញនៅសប្ដាហ៍នេះ ខណៈបិសាចក្រហម បានយល់ព្រមលក្ខណៈផ្ទាល់ខ្លួនជាមួយកីឡាករ ដោយរងចាំតែការប្រកាសកិច្ចព្រមព្រៀងជាផ្លូវការប៉ុណ្ណោះ។
Morata មានបញ្ហាខ្លះៗជាមួយក្លឹបដោយមិនដឹងរូបគេនឹងត្រូវចូលរួមក្លឹបមួយណាប៉ុន្តែ Jose បានសន្យាថានឹងឲ្យគេជាកីឡាករសំខាន់បំផុតនៅ Old Trafford ហើយ រូបគេនឹងក្លាយជាខ្សែប្រយុទ្ធកណ្ដាលក្នុងរដូវកាលថ្មី។ តាមប្រភព MARCA, Spacial One រូបនេះបានបានខលទៅកីឡាករដោយនិយាយត្រឹមពាក្យ៦ម៉ាត់ធម្មតាៗ" Come with me, you'll important= មកជាមួយខ្ញុំ អ្នកនឹងសំខាន់?”។
Morata ត្រូវបានលោក Zidine Zidane សម្រេចប្ដូរចុះឡើងជំនួស Benzema ក្នុងការប្រកួតមិនសូវសំខាន់កាលពីរដូវកាលមុន ដោយលេងជម្រើសដំបូងត្រឹមតែ១៤ប្រកួតក្នុងលីក ហើយរូបគេចង់ចូលលេងច្រើនជាងនេះ ក្នុងដំណែងប្រយុទ្ធលេខ៩។ ប៉ុន្តែសម្រាប់ Jose វិញបានបញ្ជាក់ច្បាស់ថា ត្រូវការវត្តមាន Morata ខ្លាំងបំផុតដោយថែមទាំងនិយាយថា រូបគេនឹងជាជម្រើសដំបូងបំផុតក្នុងតំបន់ប្រយុទ្ធជួរមុខ ដោយលោកបានសរសើរភាពរីកចម្រើនរបស់កីឡាករ ចាប់តាំងពីគ្រូបង្វឹករូបនេះដឹកនាំ Real Madrid ដំបូងហើយ Morata នេះហើយត្រូវបានលោក Jose ដំឡើងពីឈុតយុវជនមកឲ្យលេងឈុតធំ។
នៅថ្ងៃច័ន្ទនេះ ភ្នាក់ងាររបស់ Morata នឹងមកជួបជាមួយ Real Madrid ហើយពន្យល់ពីការចង់មកលេង Man Utd ជាមួយនឹងទឹកប្រាក់ផ្លូវការ៧០អឺរ៉ូ(៦១.៤លានផោន)។ ទោះបីមិនសូវបានចូលលេងដំបូងច្រើនកីឡាករវ័យ២៤ឆ្នាំរកគ្រាប់បាល់បាន១៥គ្រាប់ក្នុង La liga ជាប់លំដាប់ទី២ក្នុងចំណោមកីឡាករ Real Madrid ទាំងអស់ខណៈលេខ១គឺ Cristiano Ronaldo ៕
@Amapapa.News