យន្តហោះ AirAsia X ដែលហោះហើរពីទីក្រុង Gold Coast ប្រទេសអូស្ត្រាលី ទៅប្រទេសសិង្ហបុរី ត្រូវបានចុះចតភ្លាមៗ នៅពេលជួបគ្រោះថ្នាក់ ដោយសារសត្វចាប ២ក្បាលហោះចូលម៉ាស៊ីន ដែលបណ្ដាលឲ្យម៉ាស៊ីនមិនអាចដំណើរការ។ នេះបើយោងតាមគេហទំព័រសារព័ត៌មាន BBC បានចុះផ្សាយនាព្រឹកថ្ងៃអង្គារ ទី០៤ ខែកក្កដា ឆ្នាំ២០១៧។
នៅវេលាម៉ោង ២២:២០(ម៉ោងក្នុងស្រុក) ជើងហោះហើរ D7207 របស់ក្រុមហ៊ុន AirAsia X ដែលមានអ្នកដំណើរ ៣៤៥នាក់ និងអ្នកបម្រើការងារលើយន្តហោះចំនួន ១៤នាក់ ត្រូវបានចុះចតនៅប្រលានយន្តហោះនៅក្នុងរដ្ឋ Brisbane ដោយសារតែម៉ាស៊ីនយន្តហោះមិនអាចដំណើរការ នៅពេលកំពុងធ្វើដំណើរ។ ក្នុងហេតុការណ៍នេះមិនមានអ្នកស្លាប់ និងរងរបួសនោះឡើយ។
គួរបញ្ជាក់ផងដែរថា នៅខែធ្នូ ឆ្នាំ២០១៤ មានហេតុការណ៍ធ្លាក់យន្តហោះរបស់ក្រុមហ៊ុន AirAsia នៅមហាសមុទ្រ Java Sea ដែលបណ្ដាលឲ្យមនុស្សប្រមាណ ១៦២នាក់ស្លាប់ភ្លាមៗនៅក្នុងនោះ៕
សូមមើលវីដេអូខាងក្រោម៖
