រូបមន្តជីវិតដែលលោកអ្នកមិនគួររំលង ប្រសិនបើលោកអ្នកចង់រស់នៅដោយសេចក្ដីសុខ ថ្លៃថ្នូរ និងទទួលបានការគោរព ក៍ដូចជាការស្វែងយល់ពីការរស់នៅនៃជីវិត ខាងក្រោមនេះជារូបមន្តទាំងស្រុងដែលដកស្រង់ពី ព្រះច័ន្ទ៖
ល្ងង់+ឧស្សាហ៍ = នឿយហត់
ល្ងង់+លោភលន់ = រងគ្រោះ
ល្ងង់ + ខ្ជិល= ក្រលំបាកតោកយ៉ាក
ល្ងង់ + សំភារៈនិយម = អស់គូថខោ
ល្ងង់ + យឺត = ស្ពឹក
ល្ងង់ + តក់ក្រហល់ = ភ្លាំងភ្លាត់
ល្ងង់ + អត់ធ្មត់ = ដល់គោលដៅតែយឺតបន្តិច
ល្ងង់ + អត់ធ្មត់ + ឧស្សាហ៍ = អាចមានមុខមានមាត់បានហ្នឹងគេដែរ
ល្ងង់ + ស្មោះត្រង់ = មេត្តា
ល្ងង់ + កតញ្ញូ = វត្ថុសក្តិសិទ្ធិជួយថែរក្សារ
ល្ងង់ + រៀនសូត្រ = មិិនល្ងង់
ឆ្លាត +ឧស្សាហ៍ = ភាពជោគជ័យ
ឆ្លាត + អត់ធ្មត់ = សេចក្តីចំរើន
ឆ្លាត + ខ្ជិល = កេងប្រវ័ញ្ចគេ
ឆ្លាត + ខ្ជិល +លោភលន់ = កំពូលកេងប្រវ័ញ្ច
ឆ្លាត + ឱកាស = ដុះស្លាប
ឆ្លាត + ឱកាស + ឧស្សាហ៍ = ជិះមីសស៊ីល
ឆ្លាត + កតញ្ញូ = សប្បុរស
ឆ្លាត + ស្មោះត្រង់ = កំពូលមនុស្ស
ឆ្លាត + មិនរៀនសូត្រ = មិនឆ្លាត
លោភលន់ + ខ្ជិល= ជីវិតត្រូវអស់ជាមួយនិងការរកផ្លូវកាត់
លោភលន់ + ឧស្សាហ៍ = មាន
លោភលន់ + ខឹង = ជម្ងឺបេះដូង
ខឹង + ស្អប់ = ភ្លើងក្នុងទ្រូង
ខឹង + អហោសិកម្ម = ឋានសួគ៌
ស្រលាញ់ + ឈ្លក់វង្វេង = ឧបាទាន
ស្រលាញ់ + ចិត្តក្តៅ = ទុំមុនស្រគាល
ស្រលាញ់ + ចិត្តត្រជាក់ = ស្រលាញ់គ្នាដល់ចាស់សក់ស្កូវ
ស្រលាញ់ + យល់ = ស្នេហ៍ស្មោះ
ស្រលាញ់ + យល់ + អត់ឱន = ស្នេហ៍ពិតឥតខ្លែងក្លាយ
ស្រលាញ់ + អត់ធ្មត់ = ត្រជាក់ត្រជុំ
ស្រលាញ់ + ខូចចិត្ត = រសជាតិជីវិត
ខូចចិត្ត + ស្រា = ពន្យាពេលនៃការឈឺចាប់
ខូចចិត្ត + យល់ = បង្រួញពេលវេលាឈឺចាប់
ខូចចិត្ត + មេត្តា = លែងខូចចិត្ត
ចំណេះ + សេចក្តីលោភលន់ = មោហៈ
ចំណេះ + ឈ្លក់វង្វេង = ដកខ្លួនមិនរួច
ចំណេះ + ចរិយាសាស្ត្រ = ប្រាជ្ញា
ស្មារតី + ប្រាជ្ញា = សេចក្តីចម្រើន
ការស្រមើស្រមៃ + គំនិតឆ្នៃប្រឌិត = ការបង្កើតនូវអ្វីដែលថ្មី
ការស្រមើស្រមៃ + មោហៈ = បង្កើតសោកវិនាសកម្ម
ការស្រមើស្រមៃ + អារម្មណ៍អវិជ្ជមាន = សោកសៅ
បញ្ហា + ខ្វល់ខ្វាយ = បញ្ហា + ខ្វល់ខ្វាយ
បញ្ហា + វិភាគ = កាត់បន្ថយបញ្ហា
ចិត្តត្រជាក់ + ប្រយ័ត្នប្រយែង = សំរេចជាស្ថាពរ
តក់ក្រហល់ + មានផែនការ = រត់ជំពប់
តក់ក្រហល់ + គ្មានផែនការ = រត់តែមួយកន្លែង
មាន + មេត្តា = បុណ្យ
មាន + ធម៌ = កុសល
ធ្វើបុណ្យ + កេរ្តិ៍ឈ្មោះ = ទូលភ្នំ
ធ្វើបុណ្យ + ជាតិក្រោយ = ការដាក់ទុន
ធ្វើបុណ្យ + មេត្តា = ជ្រះថ្លា
មិនយល់ + មិនធ្វើចិត្តអោយជ្រះស្រឡះ = ឧបាទាន
យល់ + មិនធ្វើចិត្តអោយជ្រះស្រឡះ = ជាប់ច្រវ៉ាក់
យល់ + ធ្វើចិត្តអោយជ្រះថ្លា = ត្រជាក់
===> សរុបរួម រូបមន្តជីវិតដែលទទួលភាពជោគជ័យ
ឧស្សាហ៍ + អត់ធ្មត់ + រៀនសូត្រ + ចិត្តត្រជាក់ + មានមេត្តា + ធ្វើចិត្តអោយជ្រះស្រឡះ = ភាពចំរើនរុងរឿងទាំងផ្លូវលោកនិងផ្លូវចិត្ត ៕
